දේශීය අර්තාපල් ගොවීන් මුහුණ දෙන අලෙවිකරණ ගැටලුවලට සහනයක් වෙමින්, ඔවුන්ගේ අස්වැන්න සාධාරණ මිලකට මිලදී ගැනීමේ විශේෂ වැඩපිළිවෙළක් රජය විසින් ආරම්භ කර තිබේ. පසුගිය 10 වැනිදා සිට ක්රියාත්මක වන මෙම වැඩපිළිවෙළ යටතේ නුවරඑළිය බ්ලැක්පූල් ප්රදේශයේ පිහිටි සමුපකාර කෘෂි නිෂ්පාදන එකතු කිරීමේ මධ්යස්ථානය මගින් අර්තාපල් කිලෝග්රෑමයක් රුපියල් 220ක සහතික මිලකට මිලදී ගැනීම සිදු කෙරේ. එහිදී එක් ගොවියෙකුගෙන් දිනකට උපරිම වශයෙන් කිලෝග්රෑම් 1000ක් මිලදී ගැනීමට නියමිත අතර පවතින අයහපත් කාලගුණික තත්ත්වය මධ්යයේ වුවද ගොවීන් උද්යෝගයෙන් තම අස්වැන්න රජය වෙත ලබා දීමට කටයුතු කරමින් සිටියි.
මෙලෙස සෘජුව මිලදී ගන්නා අර්තාපල් තොග දිවයින පුරා පිහිටි ලංකා සතොස අලෙවි සැල් ජාලය හරහා පාරිභෝගික ජනතාවට සහන මිලට ලබා දීමට රජය පියවර ගෙන ඇත. අතරමැදියන්ගේ බලපෑමකින් තොරව ගොවියාට නිසි මිලක් ලබා දීමටත්, පාරිභෝගිකයාට ගුණාත්මක දේශීය අර්තාපල් සාධාරණ මිලකට මිලදී ගැනීමටත් මෙමගින් අවස්ථාව උදා වේ.
