දීර්ඝ කාලයක් තිස්සේ කල් යමින් පවතින පළාත් සභා මැතිවරණය කඩිනමින් පැවැත්වීම සඳහා වන විශේෂ නිර්දේශ සහ ක්රමවේදයන් සකස් කිරීමේ අරමුණින්, මැතිවරණ කොමිෂන් සභාවේ සාමාජිකයින්ව පාර්ලිමේන්තු විශේෂ කාරක සභාව හමුවට කැඳවා තිබේ. මැතිවරණ කොමිෂන් සභාව තහවුරු කළේ අදාළ විශේෂ කාරක සභාව හමුවේ පෙනී සිට කරුණු දක්වන ලෙස තමන් වෙත නිල වශයෙන් දැනුම් දී ඇති බවයි.
මෙම විශේෂ පාර්ලිමේන්තු කාරක සභාව පිහිටුවා ඇත්තේ දැනට පවතින නීතිමය සහ තාක්ෂණික ගැටලු නිරාකරණය කරමින් පළාත් සභා ඡන්ද විමසීම කුමන මැතිවරණ ක්රමවේදයක් යටතේ පැවැත්විය යුතු ද යන්න පිළිබඳව සොයා බලා වාර්තා කිරීම සඳහාය. එහිදී නව කොට්ඨාස ක්රමය, සමානුපාතික ක්රමය හෝ මේ දෙකෙහි එකතුවක් වන මිශ්ර ක්රමය යටතේ මැතිවරණය පැවැත්වීමේ ප්රායෝගික හැකියාවන් සහ ඊට අදාළ සීමා නීර්ණයන් පිළිබඳව මැතිවරණ කොමිසමේ නිලධාරීන් සමඟ දීර්ඝ ලෙස සාකච්ඡා කිරීමට නියමිතය. මෙම සාකච්ඡාවෙන් අනතුරුව පළාත් සභා මැතිවරණය පවත්වන නිශ්චිත දින වකවානු සහ ඊට අවශ්ය නීතිමය සංශෝධන ඇතුළත් අවසන් වාර්තාව කඩිනමින් පාර්ලිමේන්තුවට ඉදිරිපත් කිරීමට පියවර ගන්නා බව ද දේශපාලන ආරංචි මාර්ග සඳහන් කරයි.
