භාෂා හරහා මිනිසුන් අතර ගොඩනැගෙන බැඳීම් සහ අන්තර් පුද්ගල සම්බන්ධතා කෘත්රිම බුද්ධිය (AI) වැනි නවීන තාක්ෂණයන්ට වුවද ප්රතිස්ථාපනය කළ නොහැකි බව අග්රාමාත්ය ආචාර්ය හරිනි අමරසූරිය මහත්මිය පවසයි. භාෂාමය සීමාවන් කඩා බිඳ දමා එකිනෙකා තේරුම් ගනිමින් ඉදිරියට යාම තුළින් ශිෂ්ඨ සම්පන්න රටක් බිහි කළ හැකි බව ඇය පෙන්වා දුන්නාය.
අග්රාමාත්යවරිය මේ බව සඳහන් කළේ ‘රාජ්ය භාෂා ප්රතිපත්තිය හා එහි භාවිතය තුළින් ජාතික සංහිඳියාව ගොඩනගමු’ යන තේමාව යටතේ කොළඹදී පැවති ආරාධිත අන්තර් පාඨශාලීය විවාද තරගයේ සමාප්ති උත්සවයට එක්වෙමිනි. රාජ්ය භාෂා කොමිෂන් සභාව විසින් රාජ්ය භාෂා සතියේ පාසල් දිනයට සමගාමීව මෙම වැඩසටහන සංවිධානය කර තිබුණි.
මෙම අවස්ථාවට අමාත්ය හර්ෂණ නානායක්කාර සහ රාජ්ය භාෂා කොමසාරිස් නිමල් ආර්. රණවක යන මහත්වරුන් ද එක්ව සිටියහ. එහිදී ජයග්රාහී සිසුන්ට ත්යාග සහ සහතික ප්රදානය අග්රාමාත්යවරිය අතින් සිදු කෙරිණි. තවද, 2026 නව අධ්යාපන ප්රතිසංස්කරණ පිළිබඳ සංකල්ප පත්රිකාව සහ රාජ්ය ආයතනවල ප්රදර්ශනය කිරීම සඳහා සකස් කළ ස්ටිකරය ද මෙහිදී අග්රාමාත්යවරිය වෙත පිළිගැන්විණි.
