නව ජනාධිපතිවරයා පත්කර ගැනීම එලැඹෙන 20 වැනිදා සිදු කිරිමට අද (11)පැවැති පක්ෂ නායක රැස්වීමේදි තීරණය වී බව ආණ්ඩු පක්ෂයේ ප්‍රධාන සංවිධායක ප්‍රසන්න රණතුංග මහතා පවසයි.
ඒ අනුව එළැඹෙන 15 වැනිදා පාර්ලිමේන්තුව රැස්වීමටත්, 19 වැනිදා ආණ්ඩු ක්‍රම ව්‍යවස්ථාවට අනුකූලව නව ජනාධිපතිවරයා තේරිම සහා නාමයෝජනා කැදවිමටත් පක්ෂ නායකයින් තිරණය කර තිබේ.
අරගලයේ නායකයන් යැයි හදුනාගත් 25 දෙනෙකුගෙන් සමන්විත කණ්ඩායමක නම් මේ වනවිටත් ලබා දී ඇති හෙයින් අද (12) දිනයේදී ඔවුන් සමග සාකච්ඡා කිරීමටද පක්ෂ නායක රැස්වීමේදි තීරණය වී ඇත. ඒ අනුව අද (12) පස්වරුවේ කතානායක මහින්ද යාපා අබේවර්ධන මහතාගේ ප්‍රධානත්වයෙන් පාර්ලිමේන්තුවේදී එම සාකච්ඡාව පැවැත්වීමට නියමිතය..
එසේම පසුගිය දිනවල විපක්ෂයේ දේශපාලන පක්ෂ හා අරගලරුවන් අතර සැකච්ඡා පැවැති හෙයින් විපක්ෂයේ දේශපාලන පක්ෂවල මැදිහත්වීම ඇතිවම අරගලයේ නිරත අය සමග එක්ව ඉදිරි වැඩපිළීවෙලක් සැකසීමට ද මෙහිදී වැඩිදුරටත් පක්ෂ නායකයින් තීරණය කර තිබේ.
