එක්සත් ජාතික පක්ෂයේ ප්‍රධාන මුලස්ථානයේ සේවය කරන පිරිසකගේ හිඟ වැටුප් හා වැටුප රුපියල් 10,000 කින් වැඩී කර ඇති බව වාර්තා වේ.
එම පිරිස බොහෝ කලක පටන් සිය වැටුප් වැඩීවීමක් හෝ දිරි දිමනා නොමැතිව සේවය කර ඇති නමුත් පසුගිය මාස හයකදී ඔවුන්ට හිමි සියළුම දිමනා ලබා දීමක් සිදු කර ඇති බව දැනගන්නට ඇත.
මෙම වැටුප් ගෙවීම් ජනාධිපතිවරයාගේ සමීපතයේ කටයුතු කරන නිලධාරියෙක් විසින් මෙහෙයවීම් සිදු කර ඇති බව ජනාධිපතිවරයාගේ විශ්වාසවන්තයෙකු අප වෙත පවසා සිටියේය.
කෙසේ වෙතත් එක්සත් ජාතික පක්ෂය මෙරට දැවැන්න පක්ෂයක් බවත් එම පක්ෂයේ සේවය කරන පිරිසට වැටුප් නොලබන තත්ත්වයක් පසුගිය කාලයේදී උදාවීම ඉතා කනගාටුදායක තත්ත්වයක් විය.
කෙසේ වෙතත් පක්ෂයේ ඇති වු යම් යම් නිලධාරින් අතර ඇති වු හිතමනාපකම්වල ඇති වු වෙනස්වීම්, අරමුදල් නිසි ලෙස පරිහරණය නොකිරීම වැනි දේ තුළින් මෙම තත්ත්වය උදා වී ඇති බව පක්ෂයේ සාමාජිකයින් අප වෙත කියා සිටියේය.
කෙසේ වෙතත් මේ වන විට අරමුදල් මෙන්ම සිරිකොතේ පරිපාලනය ඉතා පැහැදිලි ගමනකට පැමිණෙනුයේ ජනාධිපතිවරයාගේ කාර්ය මණ්ඩලයේ ඉහල තනතුර දරන්නාගේ ආගමනය හා ඔහුගේ මැදිහත් වීම මත බව විශ්වාස කරන බව පක්ෂයේ සාමාජිකයින් පැවසිය.
