අධිවේගී මාර්ග පද්ධතිය තුළ සිදුවන හදිසි අනතුරු සහ ආපදා අවස්ථාවලදී ක්රියාත්මක වන මුදාගැනීමේ මෙහෙයුම් (Rescue Operations) සඳහා ශ්රී ලංකා ගුවන් හමුදා නිලධාරීන් අනුයුක්ත කිරීමට පියවර ගෙන තිබේ. ශ්රී ලංකා ගුවන් හමුදාවේ මාධ්ය ප්රකාශක, ගෘෘප් කැප්ටන් නලින් වැවකුඹුර මහතා ප්රකාශ කළේ පසුගිය අප්රේල් 17 වනදා සිට මෙම වගකීම ගුවන් හමුදාව වෙත පැවරුණු බවයි. මීට පෙර මෙම සේවාව ඉටු කරනු ලැබුවේ පොලිස් විශේෂ කාර්ය බළකාය (STF) විසිනි.
මෙහෙයුම් බලප්රදේශ සහ ස්ථානගත කිරීම්
ගුවන් හමුදාව විසින් කටුනායක සිට කොට්ටාව දක්වාත්, කොට්ටාව සිට මත්තල දක්වාත් වූ සමස්ත අධිවේගී මාර්ග ජාලයේ මුදාගැනීමේ කටයුතු සිදු කරනු ලබයි. මෙම මෙහෙයුම් කටයුතු වඩාත් විධිමත්ව සිදු කිරීම සඳහා ගුවන් හමුදා නිලධාරීන් ගැලනිගම, සීදුව, කුරුඳුගහහැතැක්ම, පින්නදූව සහ සූරියවැව යන උපායමාර්ගික ස්ථානවල ස්ථානගත කර ඇත.
කෙසේ වෙතත්, මීරිගම අධිවේගී මාර්ග කොටසේ මුදාගැනීමේ මෙහෙයුම් කටයුතු තවදුරටත් පොලිස් විශේෂ කාර්ය බළකාය විසින්ම සිදු කරනු ඇත. උත්සව සමයේ අධිවේගී මාර්ගවල රථ වාහන තදබදය සහ අනතුරු අවදානම ඉහළ ගොස් ඇති පසුබිමක, වඩාත් කඩිනම් සහ කාර්යක්ෂම මුදාගැනීමේ සේවාවක් ජනතාවට ලබාදීම මෙම නව පියවරේ අරමුණ වේ.
