අනුරාධපුර පුදබිමේ පිහිටි ප්රධාන විහාරස්ථානයක විහාරාධිපති හිමිනමක ඇතුළු පුද්ගලයන් තිදෙනෙකු විසින් 15 හැවිරිදි බාලවයස්කාර දැරියක වරින් වර ලිංගික අපයෝජනයට ලක් කිරීමේ සිද්ධියක් සම්බන්ධයෙන් පුළුල් විමර්ශනයක් පවත්වන ලෙස අනුරාධපුර ප්රධාන මහේස්ත්රාත් සියපත් සසිඳු වික්රමරත්න මහතා නියෝග කර තිබේ.
නිට්ටඹුව ප්රදේශයේ ලැගුම්හලක රැඳී සිටියදී පොලිස් භාරයට ගත් මෙම දැරිය වෛද්ය පරීක්ෂණයකට යොමු කිරීමෙන් අනතුරුව, තමන් මුලින්ම අපයෝජනයට ලක් කළේ අදාළ විහාරාධිපති හිමිනම බව හෙළි කර ඇත. මීට අමතරව ඇයගේ පෙම්වතා සහ ඥාති සහෝදරයෙකු ද තමන්ව අපයෝජනය කළ බව දැරිය වැඩිදුරටත් ප්රකාශ කර තිබේ. මේ සම්බන්ධයෙන් විමර්ශන පවත්වන ගම්පහ කොට්ඨාස ළමා හා කාන්තා කාර්යාංශයට එහි ප්රගතිය වහාම අධිකරණයට වාර්තා කරන ලෙස මහේස්ත්රාත්වරයා නියෝග කළේය.
