ඩුබායි සිට මෙරට මත්ද්රව්ය ජාලය මෙහෙයවන ප්රධාන පෙළේ ජාවාරම්කරුවෙකු වන ‘බෝධියවත්තේ කුඩු අවිශ්ක’ නැමැත්තාගේ සමීපතම ගෝලයෙකු අතිවිශාල මත්ද්රව්ය තොගයක් සමඟ අත්අඩංගුවට ගැනීමට මිරිහාන විශේෂ මෙහෙයුම් ඒකකය සමත්ව තිබේ. රුපියල් කෝටි ගණනක් වටිනා ‘අයිස්’ කිලෝ තුනක් සහ හෙරොයින් කිලෝ එකක් සමඟ මෙම සැකකරු කොටු කරගනු ලැබුවේ පාගොඩ පාර ප්රදේශයේදී අද (08) දහවල් දියත් කළ විශේෂ වැටලීමකදීය. බෝධියවත්ත ප්රදේශය කේන්ද්ර කරගනිමින් මුළු දිවයිනම ආවරණය වන පරිදි ක්රියාත්මක වූ මහා පරිමාණ මත්ද්රව්ය බෙදාහැරීමේ ක්රියාවලියේ ප්රධාන මෙහෙයුම්කරු මොහු බවට සැක කෙරේ.
මෙම ජාවාරමේ ඇති වඩාත් අවදානම් සහගත තත්ත්වය වන්නේ, එහි මහමොළකරු වන අවිශ්ක විදේශගතව සිටිමින් මෙරට රාජකාරි කරන පොලිස් නිලධාරීන් බිය ගැන්වීමට කටයුතු කිරීමයි. මෑතකදී වැල්ලවත්ත පොලිසියේ නිලධාරීන් විසින් තම කල්ලියේ සාමාජිකයන් සිව්දෙනෙකු අත්අඩංගුවට ගැනීමට එරෙහිව, එම නිලධාරීන්ට අපහාස වන අයුරින් සමාජ මාධ්ය ඔස්සේ මඩ ප්රහාර එල්ල කිරීමට මොහු කටයුතු කර තිබුණි. ඩුබායි සිට මෙරට නීතිය ක්රියාත්මක කරන නිලධාරීන්ට අභියෝග කරමින් සිදුකරන මෙම ද්වේෂසහගත ක්රියාවන් පිළිබඳව ආරක්ෂක අංශ මේ වන විට විශේෂ විමර්ශනයක් ආරම්භ කර ඇත.
අත්අඩංගුවට ගත් සැකකරු දීර්ඝ කාලයක සිට මෙම මත්ද්රව්ය ජාලයේ ප්රබලතම පුරුකක් ලෙස කටයුතු කර ඇති අතර, මෙම වැටලීම හරහා ඩුබායි සිට ක්රියාත්මක වන මත්ද්රව්ය බෙදාහැරීමේ ජාලයට ප්රබල පහරක් එල්ල වී තිබේ. රටේ අනාගත පරපුර විනාශ කරන මෙවැනි මත්ද්රව්ය ජාවාරම්කරුවන්ට එරෙහිව ජාත්යන්තර පොලිසියේ සහාය ඇතිව කටයුතු කිරීමේ අවශ්යතාවය මෙම සිද්ධියත් සමඟ යළිත් තහවුරු වී ඇත. මිරිහාන පොලිසිය සැකකරුගෙන් වැඩිදුර ප්රශ්න කරමින් මෙම ජාලයට සම්බන්ධ සෙසු පුද්ගලයන් හඳුනා ගැනීමට පියවර ගනිමින් සිටී.
