දිවයිනට බලපා ඇති අයහපත් කාලගුණය හේතුවෙන් අද (15) අලුයම 5න් අවසන් වූ පැය 24ක කාලය තුළ වැඩිම වර්ෂාපතනය අවිස්සාවේල්ල ප්රදේශයෙන් වාර්තා වී ඇත. වාරිමාර්ග අධ්යක්ෂ (ජල විද්යා සහ ආපදා කළමනාකරණ) ඉංජිනේරු එල්.එස්. සූරියබණ්ඩාර මහතා ප්රකාශ කළේ එම අගය මිලිමීටර් 180ක් බවයි. ඊට අමතරව හංවැල්ල (මි.මී. 158), දැරණියගල (මි.මී. 122) සහ දූනමලේ (මි.මී. 176) යන ප්රදේශවලට ද තද වැසි ලැබී ඇත. මේ හේතුවෙන් කැලණි ගඟේ ජල මට්ටම ඉහළ ගොස් ඇතත්, එය තවමත් ගංවතුර අනතුරු ඇඟවීමේ මට්ටමට ළඟා වී නොමැති බව බලධාරීහු වැඩිදුරටත් පවසති.
