සාර්ක් කලාපයේ වැඩිම අක්රීය ණය අනුපාතය බංග්ලාදේශයෙන් වාර්තා වන අතර එය යුක්රේනයට පසුව ලොව ඉහළම අක්රීය ණය අනුපාතය සහිත රට බවට පත්ව ඇත. බංග්ලාදේශයේ සමස්ත බැංකු ණය ප්රමාණයෙන් තුනෙන් එකකට ආසන්න ප්රමාණයක් පැහැර හැර ඇති ණය ලෙස වර්ගීකරණය කර තිබේ. දුර්වල ණය විනය, දේශපාලන බලපෑම් මත ණය ලබා දීම සහ ණය අයකර ගැනීමේ පවතින දැඩි දුර්වලතා මෙම තත්ත්වයට ප්රධාන හේතු වී ඇති බව ආර්ථික විශ්ලේෂකයෝ පෙන්වා දෙති.
ලෝකයේ ඉහළම අක්රීය ණය අනුපාත සහිත රටවල ලැයිස්තුවේ යුක්රේනය 37.35% ක අනුපාතයක් සමඟ පළමු ස්ථානයේ ද, බංග්ලාදේශය 32.26% ක අනුපාතයක් සමඟ දෙවැනි ස්ථානයේ ද පසුවෙයි. චැඩ් රාජ්යය 31.51% ක අනුපාතයක් සමඟ සහ ගිනියා රාජ්යය 31.15% ක අනුපාතයක් සමඟ ඊට පිටුපසින් සිටියි. සාර්ක් කලාපයේ අනෙකුත් රටවල් සමඟ සැසඳීමේදී බංග්ලාදේශයේ බැංකු ක්ෂේත්රය පවතින්නේ ඉතා අවදානම් සහගත මට්ටමක වන අතර එහි අක්රීය ණය අනුපාතය කලාපයේ අසල්වැසි රටවලට වඩා 6 ගුණයක සිට 15 ගුණයක් දක්වා ඉහළ අගයක් ගනී. බංග්ලාදේශ මහ බැංකු දත්තවලට අනුව පසුගිය මාර්තු මාසයෙන් අවසන් වූ මාස තුන තුළ එරට බැංකු ක්ෂේත්රයේ අක්රීය ණය ප්රමාණය ටකා බිලියන 310කින් ඉහළ ගොස් ඇත.
