Barista Coffee Lanka සිය ව්යාපාරික ගමනේ තවත් වැදගත් සන්ධිස්ථානයක් සනිටුහන් කරමින්, සිය 100 වැනි ශාඛාව වන Barista Baseline ශාඛාව අගෝස්තු 31 වැනිදා විවෘත කර තිබේ. ඒ අනුව මේ වනවිට Barista Coffee Lanka දිස්ත්රික්ක 19ක් පුරා ශාඛා 100ක් පවත්වාගෙන යමින් සිටී.
මෙම සන්ධිස්ථානය හරහා ශ්රී ලංකාවේ පාරිභෝගිකයන්ට මෙන්ම දිවයිනට පැමිණෙන විදේශීය සංචාරකයන්ටද ලෝක මට්ටමේ කෝපි අත්දැකීමක් වඩාත් පහසුවෙන් ලබාගැනීමට අවස්ථාව සැලසෙන බව සමාගම පවසයි.
100 වැනි ශාඛාව විවෘත කිරීමේ අවස්ථාවට Barista Coffee Lanka අධ්යක්ෂ මණ්ඩල සාමාජිකයන්, Franchise හිමිකරුවන්, පාරිභෝගිකයන්, මාධ්යවේදීන්, සමාජ මාධ්ය ක්රියාකාරීන් සහ Barista කණ්ඩායමේ සාමාජිකයන් ඇතුළු පිරිසක් එක්ව තිබේ.
මෙම අවස්ථාව තවත් එක් ශාඛාවක් විවෘත කිරීමකට පමණක් සීමා නොවූ අතර, Barista සන්නාමය ආරම්භයේ සිට අද දක්වා රැගෙන ආ සේවකයන්, Franchise හවුල්කරුවන්, පාරිභෝගිකයන් සහ අනෙකුත් පාර්ශ්වයන්ගේ කැපවීම හා උත්සාහය සැමරීමක් ලෙසද පැවැත්වී ඇත.
Barista Coffee Lanka හි ප්රධාන විධායක නිලධාරී Dilupa Pathirana සඳහන් කළේ ශාඛා 100ක් දක්වා පැමිණීම Barista කණ්ඩායමේ සියලු දෙනාටම ආඩම්බර විය හැකි සහ විශේෂ වැදගත්කමක් ඇති අවස්ථාවක් බවයි.
සෑම දිනකම පාරිභෝගිකයන් වෙනුවෙන් සේවය කරන කාර්ය මණ්ඩලය, සමාගමේ දැක්ම විශ්වාස කළ Franchise හවුල්කරුවන් මෙන්ම Barista සිය දෛනික ජීවිතයේ කොටසක් බවට පත්කරගත් පාරිභෝගිකයන් මෙම ගමනේ ප්රධාන ශක්තිය වූ බවද ඔහු පෙන්වා දී තිබේ.
ශ්රී ලංකාවේ කිසිවෙකුට ලෝක මට්ටමේ කෝපි අත්දැකීමකින් අඩු දෙයක් පිළිගැනීමට සිදු නොවන පරිසරයක් නිර්මාණය කිරීම Barista හි දිගුකාලීන දැක්ම බවත්, දිස්ත්රික්ක 19ක් පුරා ශාඛා 100ක් සමඟ එම අත්දැකීම ශ්රී ලාංකිකයන්ට මෙන්ම ලොව පුරා සිට පැමිණෙන සංචාරකයන්ටද වඩාත් සමීප කර ඇති බවත් Dilupa Pathirana සඳහන් කර ඇත.
ශාඛා 100 දක්වා පැමිණි මෙම ගමන සාර්ථකත්වයෙන් පමණක් නොව විවිධ අභියෝග හා අවිනිශ්චිත කාල පරිච්ඡේදයන්ගෙන්ද සමන්විත වූ බව සමාගම පවසයි. ව්යාපාර සහ ප්රජාවන්ට බලපෑ විවිධ ආර්ථික හා සමාජීය අභියෝග හමුවේ ඇතැම් අවස්ථාවලදී පාරිභෝගික ගමනාගමනය අඩුවීම, තාවකාලිකව ශාඛා වසා දැමීම සහ ජනතාවගේ දෛනික ජීවන රටාවන් වෙනස් වීම වැනි තත්ත්වයන්ටද Barista මුහුණ දී තිබේ.
කෙසේ වෙතත්, සිය සේවකයන්, Franchise හවුල්කරුවන්, පාර්ශ්වකරුවන් සහ පාරිභෝගිකයන්ගේ සහයෝගය මත එම අභියෝග හමුවේද ඉදිරියට ගමන් කරමින් සිය ශාඛා ජාලය පුළුල් කිරීමට Barista සමත්ව තිබේ.
ජනතාවගේ දෛනික ජීවිතය යළි සාමාන්ය තත්ත්වයට පත්වීමත් සමඟ Barista ශාඛා නැවතත් උදෑසන කෝපි පානය කිරීම, ව්යාපාරික හමුවීම් පැවැත්වීම, මිතුරන් සමඟ කතාබස් කිරීම සහ විවේකීව කාලය ගත කිරීම සඳහා ජනප්රිය ස්ථාන බවට පත්ව ඇත.
එමෙන්ම කොළඹ ඇතුළු ප්රධාන නගරවලින් ඔබ්බට නව නගර, නගර ආසන්න ප්රදේශ සහ සංචාරක ගමනාන්ත වෙතද සිය ශාඛා ව්යාප්ත කරමින් ශ්රී ලංකාව පුරා සංචාරය කරන ජනතාවට Barista අත්දැකීම වඩාත් පහසුවෙන් ලබාගැනීමට සමාගම අවස්ථාව සලසා තිබේ.
දිස්ත්රික්ක 19ක් පුරා විහිදුණු මෙම ශාඛා ජාලය හේතුවෙන් ශ්රී ලංකාවට පැමිණෙන විදේශීය සංචාරකයන්ටද දිවයිනේ විවිධ ප්රදේශවලදී හුරුපුරුදු සහ ලෝක මට්ටමේ Café අත්දැකීමක් ලබාගැනීමට හැකිවීම මෙරට සංචාරක හා ආගන්තුක සත්කාර ක්ෂේත්රයේ වර්ධනයටද දායක වන බව සමාගම සඳහන් කරයි.
