වැරදිකරුවන්ට දඬුවම් ලබාදීමේදී ඔවුන්ගේ තරාතිරම හෝ තනතුරු නොබලා සමානව නීතිය ක්රියාත්මක කළ යුතු බව බෙල්ලන්විල රජමහා විහාරාධිපති, පූජ්ය ආචාර්ය බෙල්ලන්විල ධම්මරතන ස්වාමීන් වහන්සේ අවධාරණය කරති.
උන්වහන්සේ මේ බව පවසා සිටියේ මත්ද්රව්ය ජාවාරම් කිරීම සම්බන්ධයෙන් චීවරධාරීන් පිරිසක් අත්අඩංගුවට පත්වීමේ සිදුවීම පිළිබඳව අදහස් දක්වමිනි.
මෙහිදී වැඩිදුරටත් අදහස් දැක්වූ උන්වහන්සේ පෙන්වා දුන්නේ, අදාළ චීවරධාරීන්ට එරෙහිව රටේ පොදු නීතිය යටතේ ක්රියාත්මක වන දඬුවම්වලට අමතරව, ඔවුන් අයත් වන නිකායන් මගින් ද විනයානුකූලව දඬුවම් ලබාදීමට කටයුතු කරනු ඇති බවයි. ශාසනයේ ගෞරවය ආරක්ෂා කිරීම සඳහා මෙවැනි අකටයුතුවල නිරත වන පුද්ගලයන්ට එරෙහිව දැඩිව ක්රියා කිරීමේ අවශ්යතාව ද උන්වහන්සේ මෙහිදී අවධාරණය කළහ.
