ජෙෆ් බේසෝස්ගේ (Jeff Bezos) Blue Origin සමාගම විසින් අභ්යවකාශ ගත කළ ‘New Glenn’ රොකට්ටුවේ බූස්ටරය සාර්ථකව ගොඩබැස්වීමට සමත් වුවද, එහි රැගෙන ගිය චන්ද්රිකාව නියමිත කක්ෂයට වඩා පහළ කක්ෂයකට මුදා හැරීම හේතුවෙන් ඇමෙරිකානු බලධාරීන් පරීක්ෂණයක් ආරම්භ කර තිබේ.
පසුගිය ඉරිදා සිදුකළ මෙම මෙහෙයුමේදී රොකට්ටුවේ බූස්ටරය මුහුදේ පාවෙන නෞකාවක් මතට සාර්ථකව ගොඩබස්වා නැවත භාවිතය සඳහා සුරක්ෂිත කර ගැනීමට සමාගමට හැකි විය. කෙසේ වෙතත්, AST SpaceMobile සමාගමට අයත් සන්නිවේදන චන්ද්රිකාව නියමිත කක්ෂය වෙත යැවීමට නොහැකි වී ඇති අතර, එය ඉතා පහළ මට්ටමකින් කක්ෂගත වී ඇත.
Blue Origin ප්රධාන විධායක නිලධාරී ඩේව් ලිම්ප් (Dave Limp) පවසන්නේ රොකට්ටුවේ දෙවන අදියරේ ඇති BE-3U එන්ජිමක් බලාපොරොත්තු වූ තෙරපුම (Thrust) ලබා නොදීම නිසා මෙම දෝෂය සිදුව ඇති බවයි. මේ හේතුවෙන් ඇමෙරිකානු ෆෙඩරල් ගුවන් සේවා පරිපාලනය (FAA) විසින් මෙම සිදුවීම පිළිබඳව විධිමත් පරීක්ෂණයක් පවත්වන ලෙස නියෝග කර ඇති අතර, එම පරීක්ෂණ අවසන් වන තෙක් New Glenn රොකට්ටුවල මීළඟ ගුවන්ගත කිරීම් අත්හිටුවීමට ඉඩ ඇත.
මෙම නව රොකට්ටුව මඟින් අභ්යවකාශ වෙළඳපොළ තුළ එලොන් මස්ක්ගේ SpaceX සමාගමට ප්රබල තරඟයක් ලබා දීමට Blue Origin සමාගම බලාපොරොත්තු වේ.
