ශ්රී ලංකාවේ ප්රමුඛතම සම සුරැකුම් සහ රූපලාවන්ය නිෂ්පාදන සමාගමක් වන බ්රිතාන්ය කොස්මෙටික්ස් (British Cosmetics) පුද්ගලික සමාගම, සිය නිෂ්පාදන ජාත්යන්තර වෙළෙඳපොළ වෙත ව්යාප්ත කිරීමේ අරමුණින් එතෙර බිස්නස් (Ethera Business LLC) ආයතනය සමඟ උපායමාර්ගික හවුල්කාරිත්වයකට එළඹ තිබේ. මෙම සහයෝගීතාවය හරහා විදේශීය වෙළෙඳපොළවල් හඳුනා ගැනීම, බෙදාහැරීමේ ජාල සකස් කිරීම සහ අදාළ රටවල නීතිමය රාමුවලට අනුකූලව ව්යාපාර කටයුතු සැලසුම් කිරීම සිදු කෙරෙනු ඇත.
විද්යාත්මක ක්රමවේද සහ ඉහළ නිෂ්පාදන ප්රමිතීන් භාවිත කරමින් මෙතෙක් මෙරට පාරිභෝගික විශ්වාසය දිනාගත් බ්රිතාන්ය කොස්මෙටික්ස් සමාගම, මෙම නව වැඩපිළිවෙළ හරහා ක්රමවත් සහ තිරසාර ගෝලීය වර්ධනයක් අපේක්ෂා කරයි. නව වෙළෙඳපොළවල් කරා පිවිසීමේදී වඩාත් නිවැරදි ස්ථානගත කිරීම් (Positioning) සිදු කිරීමට සහ සන්නාමයේ ගුණාත්මකභාවය ජාත්යන්තර මට්ටමින් තහවුරු කිරීමට මෙම උපදේශන සේවාව ඉවහල් වන බව සමාගම් ප්රධානීන් පෙන්වා දෙති. මෙය ශ්රී ලාංකීය සන්නාමයක් ලෝකය කරා ගෙන යාමේ තැබූ වැදගත් පියවරක් ලෙස හඳුන්වා දිය හැකිය.
