මෙරට සාහිත්ය ක්ෂේත්රයේ ප්රගමනය සහ නිර්මාණකරුවන් මුහුණ දෙන අභියෝගවලට සාර්ථක විසඳුම් සෙවීමේ අරමුණින් සංවිධානය කළ විශේෂ සුහද හමුවක් බුද්ධශාසන, ආගමික හා සංස්කෘතික කටයුතු අමාත්යාංශ ශ්රවණාගාරයේදී පැවැත්වුණි. අමාත්ය ආචාර්ය හිනිදුම සුනිල් සෙනෙවි මහතාගේ ප්රධානත්වයෙන් පැවැති මෙම සාකච්ඡාව සඳහා සිංහල, දෙමළ සහ ඉංග්රීසි යන ත්රිවිධ මාධ්යයන්හි සාහිත්යකරණයේ නිරත ප්රවීණ මෙන්ම තරුණ ලේඛක ලේඛිකාවෝ රැසක් එක්ව සිටියහ.
මෙම සාකච්ඡාවේදී සාහිත්යවේදීන් තම නිර්මාණ කටයුතු සහ වෘත්තීය ජීවිතයේදී මුහුණ දෙන විවිධ ගැටලු පිළිබඳව අමාත්යවරයා වෙත දීර්ඝ ලෙස කරුණු ඉදිරිපත් කළහ. ලේඛකයන්ගේ සුබසාධනය මෙන්ම සාහිත්ය කලාවේ උන්නතිය උදෙසා අමාත්යාංශය මඟින් ඉදිරියේදී ක්රියාත්මක කිරීමට නියමිත සුවිශේෂ මූලෝපායික සැලසුම් කිහිපයක් පිළිබඳව ද අමාත්යවරයා මෙහිදී අදහස් පළ කළේය.
මෙම අවස්ථාව සඳහා ජාතික පුස්තකාල හා ප්රලේඛන සේවා මණ්ඩලයේ සභාපති ආචාර්ය රත්න ශ්රී විජේසිංහ මහතා, ශ්රී ලංකා කලා මණ්ඩලයේ සභාපති කීර්ති වැලිසරගේ මහතා සහ සාහිත්ය අනුමණ්ඩලයේ සභාපති කමල් පෙරේරා මහතා ඇතුළු රාජ්ය නිලධාරීන් පිරිසක් සහ සාහිත්යවේදීහු විශාල පිරිසක් සහභාගී වූහ.
