“සාම පාගමන” යනු බෞද්ධයන්ට පමණක් නොව සමස්ත ජනතාවටම සාමයේ පණිවුඩය සහ සැබෑ බුදුදහමේ අර්ථය කියාදෙන උදාර වැඩසටහනක් බව ආචාර්ය පූජ්ය පන්නිල ආනන්ද ස්වාමීන් වහන්සේ පවසති
ජාත්යන්තර මට්ටමින් පිළිගැනීමට ලක්ව ඇති ‘Walk for Peace’ වැඩසටහන හෙට (අප්රේල් 21) සිට 28 දක්වා ශ්රී ලංකාවේදී පැවැත්වේ. පූජ්ය පන්නකාර හිමියන්ගේ නායකත්වයෙන් සහ මහා සංඝරත්නයේ සහභාගීත්වයෙන් පැවැත්වෙන මෙම පාගමන අනුරාධපුර ජය ශ්රී මහා බෝධීන් වහන්සේගේ අංකුරයක් සහ සර්වඥ ධාතූන් වහන්සේලා රැගෙන දිවයිනේ ප්රධාන නගර කිහිපයක් ඔස්සේ කොළඹ නිදහස් චතුරශ්රය දක්වා ගමන් කිරීමට නියමිතය.
මෙම පාගමන රටට සුවිශේෂී වූ සාමකාමී පණිවුඩයක් ලබාදෙන බැවින්, කිසිදු කලබලයකින් තොරව ඒ සඳහා එක්වීම මහජනතාවගේ වගකීමක් බව ජනාධිපති මාධ්ය උපදේශක චන්දන සූරියබණ්ඩාර මහතා එම වැඩසටහනේදීම අවධාරණය කළේය. මෙරට බෞද්ධ උරුමය සහ සංස්කෘතික අනන්යතාවය ලොවට විදහා දක්වන මෙම පුණ්ය කටයුත්ත රජයේ පූර්ණ අනුග්රහය ඇතිව සංවිධානය කර තිබේ.
