වසර 15කට වඩා වැඩි කාලයක් අක්රියව පවතින මධ්යම තැන්පතු පද්ධතියේ (CDS) ගිණුම් අත්හිටුවීමේ ක්රියාවලිය පසුගිය ජුනි 30 වන දින ක්රියාත්මක කිරීමේදී, සක්රියව පවතින ඇතැම් CDS ගිණුම් ද නොදැනුවත්වම අත්හිටුවීමට ලක්ව ඇතැයි CDS ආයතනය නිවේදනය කරයි.
මෙම සිදුවීම වාර්තා වී ඇත්තේ ඊයේ (01) පෙරවරු වෙළඳ සැසිය ආරම්භ වීමට පෙර පැවැති වෙළඳ වෙන්දේසි සැසියේදීය. එම ගිණුම්වල තත්ත්වය යථා තත්ත්වයට පත් කිරීම සඳහා වෙළඳ වෙන්දේසි සැසිය දීර්ඝ කිරීමට සිදු වූ අතර, ඒ හේතුවෙන් සාමාන්ය කොටස් වෙළඳ කටයුතු පෙරවරු 11.00 දක්වා ප්රමාද විය.
මෙම ප්රමාදය හේතුවෙන් ආයෝජකයින්ට සිදු වූ අපහසුතාවය පිළිබඳව ගැඹුරින් කනගාටු වන බවත්, සාධාරණ සහ විධිමත් වෙළඳපොළක් පවත්වා ගැනීම සඳහා එම පියවර අත්යවශ්ය වූ බවත් CDS ආයතනය නිකුත් කළ නිවේදනයේ වැඩිදුරටත් සඳහන් වේ.
