ශ්රී ලංකාවේ දෙරෝද රථ ටයර් වෙළඳපොළේ සිය නායකත්වය තවදුරටත් ශක්තිමත් කරමින්, CEAT Kelani Holdings සමාගම සිය වාරික (Premium) යතුරුපැදි සහ ස්කූටර් ටයර් පෙළෙහි නවතම X5 මාලාව වන GRIPP සහ ZOOM හඳුන්වා දී ඇත. මෙම නව ටයර් මාලාව නිපදවා ඇත්තේ නූතන ධාවකයන්ගේ අවශ්යතාවන්ට සරිලන පරිදි ඉහළ සැතපුම් ප්රමාණයක්, වැඩි දියුණු කළ ආරක්ෂාවක් සහ විශිෂ්ට කාර්යසාධනයක් ලබා දීම සඳහාය. විශේෂයෙන්ම ශ්රී ලංකාවේ මාර්ග සහ දේශගුණික තත්ත්වයන්ට අනුකූලව නිර්මාණය කර ඇති මෙම ටයර්, වියළි මෙන්ම තෙතමනය සහිත මාර්ගවලදී පවා ස්ථාවරත්වය, ග්රහණය සහ තිරිංග කාර්යක්ෂමතාව ඉහළ මට්ටමක පවත්වා ගනිමින් ධාවකයාට විශ්වාසදායක අත්දැකීමක් ලබා දෙයි.
ඉදිරිපස රෝදය සඳහා නිර්මාණය කර ඇති ZOOM X5 ටයරය, ස්ථාවරත්වය සහ පාලනය පහසු කරන අඛණ්ඩ මධ්යම කාණුවකින් සහ ජලය බැසයාම විධිමත් කරන කෝණික කාණුවලින් සමන්විත වේ. පසුපස රෝදය සඳහා වන GRIPP X5 ටයරය, වැඩි බරක් යටතේ වුවද පාලනය සහ කල්පැවැත්ම උපරිම කිරීමට සැලසුම් කර ඇති අතර එහි ඇති විශාල මධ්යම කොටස මගින් ඍජු ධාවනයේදී ඉහළ ග්රහණයක් ලබා දෙයි. මෙම වාරික ටයර් මාලාව Bajaj, TVS, Honda, Yamaha සහ Suzuki වැනි ශ්රී ලංකාවේ ජනප්රියතම යතුරුපැදි සහ ස්කූටර් මාදිලි රැසකට ගැලපෙන ප්රමාණයන් හතරකින් වෙළඳපොළට නිකුත් කර තිබේ.
