සෙලින්කෝ ලයිෆ් සමාගමේ ‘ෆැමිලි සවාරි’ ප්රවර්ධන වැඩසටහනේ තවත් සුවිශේෂී අදියරක් ලෙස, දිවයින පුරා රක්ෂණ ඔප්පු හිමියන් සහ ඔවුන්ගේ පවුල්වල සාමාජිකයින් 1,000කට අධික පිරිසකට පර්ල් බේ විනෝද උද්යානයේ අමතක නොවන විනෝද දිනයක් ගත කිරීමට අවස්ථාව උදාවිය. දිවයිනේ සියලුම පළාත් නියෝජනය කරමින් පවුල් 270කට අධික සංඛ්යාවක් එක්වූ මෙම අවස්ථාව ඔවුන් වෙනුවෙන්ම වෙන් කළ පෞද්ගලික විනෝද අවකාශයක් බවට පත්විය.
සහභාගී වූවන්ට ප්රවේශපත්ර, උදෑසන සහ දිවා ආහාර නොමිලේ ලබා දුන් අතර, දුර බැහැර සිට පැමිණි පවුල් සඳහා විශේෂ ප්රවාහන පහසුකම් සහ නවාතැන් පහසුකම් ද සමාගම විසින් සපයන ලදී. සෙලින්කෝ ලයිෆ් සමාගමේ ජ්යෙෂ්ඨ කළමනාකාරීත්වය සහ ‘ෆැමිලි සවාරි’ සන්නාම තානාපතිවරුන් වන රොෂාන් රණවන, කුෂ්ලානි රණවන සහ මිනෙත් ද මෙම අවස්ථාවට එක්වෙමින් සහභාගී වූවන් සමග සතුට බෙදා ගත්හ. ශ්රී ලංකාවේ ජීවිත රක්ෂණ ක්ෂේත්රයේ දීර්ඝතම පාරිභෝගික ප්රතිලාභ වැඩසටහන වන ‘ෆැමිලි සවාරි’, පාරිභෝගිකයින්ගේ ජීවිත වලට වටිනාකමක් එක් කරන නව්ය රක්ෂණ විසඳුම් අතර එක් සුවිශේෂී අංගයකි.
