ශ්රී ලංකා ක්රිකට් ක්රීඩක චාමික කරුණාරත්න සම්බන්ධයෙන් DNA පරීක්ෂණයක් සිදු කිරීම සඳහා ඔහුගේ රුධිර සාම්පල ලබා දෙන ලෙස නියෝගයක් නිකුත් කරන ලෙස ඉල්ලා කෙරුණු ඉල්ලීමක් කොළඹ දිසා අධිකරණය අද (04) ප්රතික්ෂේප කර ඇත.තම දරුවා ක්රිකට් ක්රීඩක චාමික කරුණාරත්නට දාව ඉපදුණු බව පවසමින්, එම දරුවාගේ පියා ලෙස චාමික කරුණාරත්න නම් කර උප්පැන්න සහතිකයක් නිකුත් කරන ලෙස රෙජිස්ට්රාර් ජනරාල්වරයා වෙත නියෝගයක් නිකුත් කරන ලෙස ඉල්ලා ගුවන් නියමුවරියක වන රසිකා සෙව්වන්දි විසින් මෙම පැමිණිල්ල ඉදිරිපත් කර තිබුණි. අදාළ ඉල්ලීම සලකා බැලූ අධිකරණය ප්රකාශ කළේ පැමිණිලිකාරිය ඉල්ලා සිටින සහනය ප්රදානය කිරීම සඳහා ප්රමාණවත් කරුණු ඉදිරිපත් වී නොමැති බවයි. ඒ අනුව එම ඉල්ලීම ප්රතික්ෂේප කළ අධිකරණය, නඩුව ඉදිරි පියවර සඳහා ඔක්තෝබර් මස 9 වන දින යළි කැඳවීමට නියෝග කළේය.
