තම පක්ෂය ප්රතික්ෂේප කළේ පාසල් පද්ධතිය සහ දරුවන් සිය පෞද්ගලික දේශපාලන ප්රවර්ධන කටයුතු සඳහා අවභාවිත කිරීමේ මජර සංස්කෘතිය මිස දරුවන්ගේ අභිවෘද්ධිය වෙනුවෙන් පෙනී සිටීම නොවන බව ආණ්ඩු පක්ෂ පාර්ලිමේන්තු මන්ත්රී චන්දන සූරියආරච්චි මහතා පවසයි. පැය තුනකට අධික කාලයක් පාසලක අධ්යාපන කටයුතු නතර කරමින් උත්සව පැවැත්වීම පිළිබඳව, එම උත්සවය අවසානයේ මාධ්යවේදියෙකු නැඟූ ප්රශ්නයකට පිළිතුරු දෙමින් මන්ත්රීවරයා මේ බව ප්රකාශ කළේය.
ප්රදේශයේ සංවර්ධන කටයුතු සඳහා නායකත්වය දීම දේශපාලන අධිකාරියේ ප්රධාන වගකීමක් වන අතර, තමන් එදින ඉටුකළේ ද එම වගකීම බව චන්දන සූරියආරච්චි මහතා මෙහිදී පෙන්වා දුන්නේය.
උත්සවය වෙනුවෙන් පාසලේ අධ්යාපන කටයුතු තාවකාලිකව නතර කිරීමට සිදු වුවද, එහිදී තමන් සිදුකළ කතාවලින් දරුවන්ට නව දැනුමක් සහ නව ආකල්ප සමුදායක් ලබා දීමට කටයුතු කළ බවත්, එය වත්මන් රජය හඳුන්වා දෙන නව දේශපාලන සංස්කෘතියේ ලක්ෂණයක් බවත් මන්ත්රීවරයා වැඩිදුරටත් අවධාරණය කළේය.
