ගල්ෆ් කලාපයේ සහ මැදපෙරදිග රටවල් සිය අනාගතයට අදාළ තීන්දු තීරණ ගැනීමේ සැබෑ තීරකයන් විය යුතු බව චීනය අවධාරණය කර තිබේ. චීන විදේශ අමාත්ය වං යී මහතා මේ බව ප්රකාශ කළේ චීනයේ සංචාරයක නිරත ඉරාන විදේශ අමාත්ය අබ්බාස් අරාග්චි මහතා අද (06) බෙයිජිංහිදී හමු වූ අවස්ථාවේදීය.
ඉරාන විදේශ අමාත්යවරයා එහිදී ඉරාන-ඇමෙරිකා සාම සාකච්ඡාවල වත්මන් තත්ත්වය සහ ඉරානයේ ස්ථාවරය පිළිබඳව චීන පාර්ශ්වය දැනුවත් කළේය. ජාතික ස්වාධිපත්යය හා ගෞරවය සුරකිමින් යුද ගැටුම්වලට සාමකාමී හා දිගුකාලීන විසඳුමක් සෙවීමට ඉරානය උත්සාහ කරන බව හෙතෙම සඳහන් කළේය. යුද ගැටුම් නිරාකරණය සඳහා චීන ජනාධිපතිවරයා ඉදිරිපත් කළ සිව්වැදෑරුම් යෝජනා පිළිගන්නා බවත්, ඒ වෙනුවෙන් චීනය සක්රිය දායකත්වයක් ලබා දෙනු ඇතැයි අපේක්ෂා කරන බවත් ඉරාන විදේශ අමාත්යවරයා වැඩිදුරටත් පැවසීය.
චීන විදේශ අමාත්ය වං යී මහතා පෙන්වා දුන්නේ ඉරාන-ඇමෙරිකා යුද ගැටුම වහාම නතර කර සටන් විරාමයක් සඳහා සාකච්ඡා ආරම්භ කළ යුතු බවයි. ඉරානයේ ජාතික ස්වාධිපත්යය හා ආරක්ෂාව සුරැකීමටත්, රාජ්යතාන්ත්රික මාර්ගයෙන් ගැටුම් විසඳා ගැනීමටත් චීනය සහාය දෙන බව ඔහු සහතික කළේය. 2026 වසර දෙරට අතර රාජ්යතාන්ත්රික සබඳතා ස්ථාපිත කර වසර 55ක් සපිරෙන බැවින්, ද්විපාර්ශ්වික සබඳතා සහ දේශපාලන විශ්වාසය තවදුරටත් ශක්තිමත් කිරීමට චීනය කැමැත්තෙන් පසුවන බව ද මෙහිදී අවධාරණය විය.
