චීනයේ ජූලි මස අපනයන එක්සත් ජනපද ඩොලර් අගය අනුව පසුගිය වසරේ අදාළ කාලයට සාපේක්ෂව සියයට 23.9කින් වර්ධනය වී ඇති අතර, ආනයන සියයට 27.5කින් ඉහළ ගොස් ඇති බව එරට රේගු දත්ත මඟින් පෙන්වා දී තිබේ.
රොයිටර් පුවත් සේවයේ මත විමසුමකදී අපනයන වර්ධනය අපේක්ෂා කර තිබුණේ සියයට 22.2ක් ලෙසිනි.
පසුගිය ජුනි මාසයේදී සියයට 27ක පිම්මක් පෙන්වූ අපනයන වර්ධන වේගය ජූලි මාසයේදී මඳක් මන්දගාමී වී ඇත.
ජූනි මාසයේදී සියයට 36ක විශාල වර්ධනයක් වාර්තා කළ ආනයන, ජූලි මාසයේදී අපේක්ෂිත සියයට 27.9ක අගයට ආසන්නව සියයට 27.5ක වර්ධනයක් පෙන්නුම් කර තිබේ.
