ශ්රී ලංකාවේ සංවර්ධන අභිලාෂයන් සාක්ෂාත් කර ගැනීම වෙනුවෙන් සිය රට ඉහළ දායකත්වයක් ලබා දීමට සූදානම් බව ශ්රී ලංකාවේ චීන තානාපති ෂී ෂෙන්ග්හොන්ග් මහතා පවසයි. චීන කොමියුනිස්ට් පක්ෂයේ 105 වැනි සංවත්සරය නිමිත්තෙන් කොළඹදී පැවති උත්සවයකදී තානාපතිවරයා මෙම අදහස් පළ කළේය.
චීන ජනාධිපති ෂී ජින්පින් සහ ශ්රී ලංකා ජනාධිපති අනුර කුමාර දිසානායක යන මහත්වරුන් අතර පැවති සාර්ථක සාකච්ඡාවලින් අනතුරුව දෙරට අතර සබඳතාවල නව සැලැස්මක් සකස් කර ඇති බවත්, එම එකඟතාවන් ක්රියාවට නංවමින් ශ්රී ලංකාවේ ආර්ථික සංවර්ධනය ශක්තිමත් කිරීමට චීනය කැපවී සිටින බවත් තානාපතිවරයා අවධාරණය කළේය. විශේෂයෙන්ම දිළිඳුකම තුරන් කිරීම සහ නවීන ඩිජිටල් නගර ඉදිකිරීම වැනි ක්ෂේත්ර කෙරෙහි චීනයේ වැඩි අවධානයක් යොමුව පවතී.
එමෙන්ම චීන කොමියුනිස්ට් පක්ෂය සහ ශ්රී ලංකාවේ සියලුම දේශපාලන පක්ෂ අතර සහයෝගීතාව තවදුරටත් පුළුල් කිරීමට අපේක්ෂා කරන බවද හෙතෙම සඳහන් කළේය.
මෙම උත්සවය සඳහා විපක්ෂ නායක සජිත් ප්රේමදාස, සර්වජන බලය පක්ෂයේ නායක පාර්ලිමේන්තු මන්ත්රී දිල්ත් ජයවීර, හිටපු ජනාධිපතිවරුන් වන මහින්ද රාජපක්ෂ සහ ගෝඨාභය රාජපක්ෂ යන මහත්වරුන් ඇතුළු දේශපාලන පක්ෂ නියෝජිතයින් සහ මැති ඇමතිවරුන් විශාල පිරිසක් සහභාගී වී සිටියහ.
