තායිවානයට එරෙහිව චීනය හමුදාමය පීඩනයක් එල්ල කරන බවට ඇමෙරිකාව පවසන කරුණු සම්පූර්ණයෙන්ම විකෘති කරන ලද ප්රකාශ බවත් ඒවා ද්වේෂසහගත චේතනාවෙන් සිදු කරන බවත් චීන රජයේ ප්රකාශකයෙකු අද (15) සඳහන් කළේය තායිවානය යනු චීනයේ අභ්යන්තර කටයුත්තක් බවත් ඒ සඳහා පිටස්තර බලපෑම් පිළිගත නොහැකි බවත් පෙන්වා දෙන චීනය තායිවානය සම්බන්ධ කටයුතුවලදී ඇමෙරිකාව මීට වඩා කල්පනාකාරීව කටයුතු කළ යුතු බව අවධාරණය කරයි
තායිවානයේ ප්රධාන විපක්ෂ නායිකා චෙං ලි-වුං (Cheng Li-wun) පසුගියදා බීජිං නුවරදී චීන ජනාධිපති ෂී ජින්පින් හමු වූ අතර එම සංචාරය හරහා කලාපීය සාමය ඇති කිරීමට උත්සාහ කරන බව ඇය ප්රකාශ කළාය කෙසේ වෙතත් තායිවාන රජය පවසන්නේ මෙවැනි දේශපාලන පක්ෂ මට්ටමේ සාකච්ඡාවලට වඩා රජයන් දෙක අතර සෘජු සම්බන්ධතාවයක් පැවතිය යුතු බවයි ඇමෙරිකානු ජනාධිපති ඩොනල්ඩ් ට්රම්ප් ලබන මාසයේදී චීනයේ සංචාරය කිරීමට නියමිතව ඇති අතර තායිවාන ප්රශ්නය එහිදී ප්රධාන මාතෘකාවක් වනු ඇතැයි අපේක්ෂා කෙරේ
