චීනය විසින් ලොව පළමු සම්පූර්ණ රොබෝ සේවාවක් සහිත (fully robot-serviced) හෝටලය 2027 වසරේ මුල් භාගයේදී විවෘත කිරීමට නියමිත බව වාර්තා වේ.
ෂෙන්සෙන්-ෂොංෂාන් (Shenzhen-Zhongshan) සම්බන්ධක මාර්ගයේ බටහිර කෘතිම දූපතේ (West Artificial Island) පිහිටුවීමට නියමිත මෙම හෝටලය තුළ, අමුත්තන් පිළිගැනීමේ සිට ගමන් මලු හැසිරවීම, කාමර සේවා සැපයීම, පිරිසිදු කිරීම සහ ආරක්ෂක මුර සංචාර දක්වා සියලුම ප්රධාන සේවාවන් රොබෝවරුන් මගින් සිදු කරනු ඇත.
මෙම ව්යාපෘතියේ අත්හදා බැලීම් කටයුතු 2026 වසරේ අගභාගයේදී ආරම්භ කිරීමට නියමිත අතර, 2027 වසරේදී හෝටලය නිල වශයෙන් මහජනතාව සඳහා විවෘත කෙරේ. බටහිර කෘතිම දූපත රොබෝ තාක්ෂණය සහ උසස් තාක්ෂණය කේන්ද්ර කරගත් සංචාරක ගමනාන්තයක් බවට පත් කිරීමේ පුළුල් වැඩපිළිවෙළක කොටසක් ලෙස මෙම හෝටල් ව්යාපෘතිය ක්රියාත්මක වේ.
