තායිවාන ජනාධිපතිවරයාගේ එස්වාටිනි (Eswatini) නිල සංචාරය සඳහා අප්රිකානු රටවල් කිහිපයක් ලබා දී තිබූ ගුවන් ගමන් අවසරය අවලංගු කිරීමට චීනය බලපෑම් කර ඇති බවට එල්ල වන චෝදනා හමුවේ, ‘එක් චීනයක්’ යන ප්රතිපත්තියට ගරු කරන ලෙස චීනය අද (23) ඇමරිකාවට දැනුම් දුන්නේය. සීෂෙල්ස්, මුරුසිය සහ මැඩගස්කරය යන රටවල් මෙලෙස තම ජනාධිපතිවරයාගේ ගුවන් යානයට ලබා දී තිබූ අවසරය ඒකපාර්ශවිකව අවලංගු කර ඇති බව තායිවානය මීට පෙර ප්රකාශ කර තිබුණි.
මෙම සිද්ධිය සම්බන්ධයෙන් ඇමරිකාව චීනය විවේචනය කිරීමත් සමඟ ප්රතිචාර දක්වමින් චීන විදේශ අමාත්යාංශය පවසා සිටියේ තායිවානය චීනයේ අනිවාර්ය කොටසක් බවත්, ජාත්යන්තර ප්රජාව එම යථාර්ථය පිළිගත යුතු බවත්ය. මැදපෙරදිග යුදමය වාතාවරණය හමුවේ ගෝලීය දේශපාලන බලපෑම් තීව්ර වී ඇති මොහොතක, තායිවාන ප්රශ්නය සම්බන්ධයෙන් ඇමරිකාව සහ චීනය අතර පවතින මෙම රාජ්ය තාන්ත්රික ගැටුම කලාපීය ස්ථාවරත්වයට තීරණාත්මක බලපෑමක් එල්ල කරයි.
