මෙම වසරේ පළමු කාර්තුව තුළ විගමනික ශ්රමිකයන් මෙරටට එවූ ප්රේෂණ ප්රමාණය පසුගිය වසරේ පළමු කාර්තුවට සාපේක්ෂව සියයට 26.5 කින් ඉහළ ගොස් ඇති බව ශ්රී ලංකා විදේශ සේවා නියුත්ති කාර්යාංශය ප්රකාශ කරයි. ශ්රී ලංකා මහා බැංකුවේ දත්ත උපුටා දක්වමින් කාර්යාංශය සඳහන් කරන්නේ 2026 වර්ෂයේ ජනවාරි සිට මාර්තු දක්වා ඇමරිකන් ඩොලර් බිලියන 2.294 ක මුදලක් මෙරටට ලැබී ඇති බවයි. මෙහිදී ජනවාරි මාසයේදී ඩොලර් මිලියන 751 ක් ද, පෙබරවාරි මාසයේදී ඩොලර් මිලියන 729 ක් ද සහ මාර්තු මාසයේදී ඩොලර් මිලියන 815 ක් වශයෙන් ප්රේෂණ ලැබී තිබේ.
පසුගිය 2025 වර්ෂයේ මුල් මාස තුන තුළ ලැබී තිබුණේ ඩොලර් මිලියන 1,815 ක ප්රේෂණ ප්රමාණයකි. විගමනික ශ්රමික ප්රේෂණ මෙලෙස ඉහළ යාමට රාජ්ය මූල්ය විශ්වාසය, විනිවිදභාවය සහ ශ්රමිකයන් නිත්යානුකූල බැංකු ක්රමවේද භාවිතා කිරීමට කාර්යාංශය විසින් උනන්දු කරවීම ප්රධාන වශයෙන් හේතු වී ඇත. එමෙන්ම මෙම වසරේ ජනවාරි සිට මාර්තු අවසානය දක්වා කාලය තුළ ශ්රී ලාංකික ශ්රමිකයන් 62,145 දෙනෙකු රැකියා සඳහා විදේශ ගතවී ඇති බව ද වාර්තා වේ.
