එක්සත් ජනපදයේ සී.අයි.ඒ (CIA) අධ්යක්ෂ ජෝන් රැට්ක්ලිෆ් (John Ratcliffe) ප්රමුඛ දූත පිරිසක් පසුගිය බ්රහස්පතින්දා හවානා නුවරදී කියුබානු අභ්යන්තර කටයුතු අමාත්යාංශයේ සිය නිලධාරීන් හමුවී සාකච්ඡා පවත්වා ඇති බව කියුබානු රජය නිවේදනය කළේය. අමෙරිකාව විසින් පනවා ඇති ඉන්ධන අවහිර කිරීම් හේතුවෙන් කියුබාව තුළ බලශක්ති අර්බුදයක් නිර්මාණය වී පවතින පසුබිමක මෙම හමුව සිදුවීම විශේෂත්වයකි.
කියුබාව එක්සත් ජනපදයේ ජාතික ආරක්ෂාවට කිසිදු තර්ජනයක් නොවන බව කියුබානු නියෝජිතයෝ මෙහිදී අවධාරණය කළහ. දෙරටේම ආරක්ෂාව මෙන්ම කලාපීය සහ ජාත්යන්තර ආරක්ෂාව උදෙසා නීතිය බලාත්මක කිරීමේ ආයතන අතර ද්විපාර්ශ්වික සහයෝගීතාව වර්ධනය කර ගැනීමට දෙපාර්ශ්වයම මෙහිදී කැමැත්ත පළ කර ඇත.
ජනාධිපති ඩොනල්ඩ් ට්රම්ප් නැවත බලයට පත්වීමෙන් පසු කියුබාවට එල්ල කරන පීඩනය දැඩි කර ඇති අතර, දෙරට අතර සාකච්ඡා ආරම්භ කරන බව ඔහු මීට දින කිහිපයකට පෙර ප්රකාශ කර තිබුණි. ඉන්ධන අවහිර කිරීම් හේතුවෙන් හවානා නුවර විදුලි බිඳවැටීම් සහ විරෝධතා පවා හටගෙන ඇති අතර, එය දෙරට අතර පවතින ආතතිය තවදුරටත් වර්ධනය කිරීමට හේතු වී තිබේ.
