පුද්ගලයෙකු දරන දේශපාලන මතිමතාන්තර කුමක් වුවත්, රට ගොඩනැගීම සඳහා අවශ්ය දක්ෂතාවය, හැකියාව සහ කැපවීම ඇත්නම් එවැනි පුද්ගලයන් සංවර්ධන ක්රියාවලියට එකතු කර ගැනීමට රජය සූදානම් බව සෞඛ්ය හා ජනමාධ්ය අමාත්ය නලින්ද ජයතිස්ස මහතා පවසයි.
යම් පුද්ගලයෙකු රජයට ඡන්දය ලබා නොදුන් අයෙකු වුවද, ඔහු අවංකව රට වෙනුවෙන් කැපවීමට සූදානම් නම් එම දායකත්වය ලබා ගැනීමට රජය විවෘත ප්රතිපත්තියක් අනුගමනය කරයි. මෙය වෙනත් පක්ෂවල පුද්ගලයන් දේශපාලනිකව තමන් වෙත නතු කර ගැනීමක් නොව, රට ගොඩනැගීමේ පොදු ක්රියාවලියට දක්ෂයන් සම්බන්ධ කර ගැනීමක් පමණක් බව ඔහු පැහැදිලි කළේය.
විපක්ෂයේ ඇතැම් පිරිස් රාත්රී කාලයේ සාකච්ඡා පවත්වමින් තමන් දේශපාලන කරළියේ සිටින බව පෙන්වීමට උත්සාහ කළද, ඔවුන්ට රටේ සංවර්ධනය සඳහා වැඩපිළිවෙළක් නොමැති බව අමාත්යවරයා චෝදනා කරයි. රජය සතුව පාර්ලිමේන්තුවේ තුනෙන් දෙකක බලයක් පවතින බැවින්, විපක්ෂයට කළ හැක්කේ රජය ගෙන එන සුභවාදී යෝජනා සංවර්ධනය කිරීමට සහාය වීම පමණක් බවද ඔහු වැඩිදුරටත් සඳහන් කළේය.
