ශ්රී ලංකා පොලිසියේ ඉහළ නිලධාරීන් ඉලක්ක කර ගනිමින් ෆේස්බුක් (Facebook) ඇතුළු සමාජ මාධ්ය ජාලා ඔස්සේ අසත්ය සහ අපහාසාත්මක තොරතුරු පතුරුවන පුද්ගලයන් සොයා අපරාධ පරීක්ෂණ දෙපාර්තමේන්තුව (CID) විශේෂ විමර්ශනයක් ආරම්භ කර තිබේ. අපරාධ හා රථවාහන දිසාව භාර ජ්යෙෂ්ඨ නියෝජ්ය පොලිස්පති රන්මල් කොඩිතුවක්කු මහතා විසින් ඉදිරිපත් කරන ලද පැමිණිල්ලකට අනුව මෙම පියවර ගෙන ඇත.පොලිස් සේවය පිළිබඳව මහජනතාව තුළ පිළිකුලක් සහ වෛරයක් ඇති වන අයුරින් අන්තර්ජාලය හරහා විවිධ සටහන් ප්රචාරය කිරීම මෙහි ඇති ප්රධාන ගැටලුව බව CID ය පෙන්වා දෙයි. මෙම සිද්ධිය සම්බන්ධ වැඩිදුර විමර්ශන කටයුතු අපරාධ පරීක්ෂණ දෙපාර්තමේන්තුවේ පරිගණක අපරාධ විමර්ශන කොට්ඨාසය වෙත පවරා තිබේ.කොළඹ ප්රධාන මහෙස්ත්රාත් අසංග බෝදරගම මහතා විසින් ෆේස්බුක් ඇතුළු අදාළ සමාජ මාධ්ය ජාල පවත්වාගෙන යන ජාත්යන්තර ආයතන හරහා අවශ්ය දත්ත ලබා ගන්නා ලෙස නියෝග කර ඇත. එමෙන්ම මෙම පරීක්ෂණ කඩිනම් කර එහි ප්රගතිය පිළිබඳ වාර්තාවක් අධිකරණයට ඉදිරිපත් කරන ලෙස ද අපරාධ පරීක්ෂණ දෙපාර්තමේන්තුවට නියම කෙරිණි.
