මුහුදුබඩ දුම්රිය මාර්ගයේ නවීකරණ කටයුතු කඩිනම් කිරීම සඳහා රත්මලාන දුම්රිය ස්ථානය ආසන්නයේ නව තැටි තැබීමේ සහ මාර්ග අලුත්වැඩියා කිරීමේ මධ්යස්ථානයක් (Track laying site) ආරම්භ කර තිබේ.
පානදූර සිට කොම්පන්නවීදිය දක්වා වන ද්විත්ව දුම්රිය මාර්ගය නවීකරණය කිරීමේ ව්යාපෘතිය යටතේ මෙය ක්රියාත්මක වන අතර, ප්රවාහන හා මහාමාර්ග නියෝජ්ය අමාත්ය ප්රසන්න ගුණසේන මහතා ඊයේ (අගෝස්තු 31) එම පරිශ්රය නිරීක්ෂණය කළේය. චීනයෙන් ආනයනය කරන ලද දුම්රිය පීලි 10,000න් කොටසක් මෙම ස්ථානය වෙත යොදවා ඇති අතර, ලුණු හුළඟ නිසා මුහුදුබඩ මාර්ගයේ පීලි නිතර දිරාපත්වීමට ලක්වීම හමුවේ මෙම පියවර ගෙන ඇත. මෙතෙක් රාගම සහ හොරපේ පමණක් පවත්වාගෙන ගිය මෙවැනි මධ්යස්ථානයක් රත්මලානටත් එක්වීමෙන් මුහුදුබඩ මාර්ගයේ අලුත්වැඩියා කටයුතු වඩාත් කාර්යක්ෂමව සිදු කිරීමට හැකියාව ලැබෙනු ඇත.
