කොමර්ෂල් බැංකුව විසින් තම ස්වයං-ගිණුම් ආරම්භ කිරීමේ (Self-Onboarding) ඩිජිටල් වේදිකාව තවදුරටත් වැඩිදියුණු කරමින්, නව ගනුදෙනුකරුවන්ට බැංකු ශාඛාවකට නොපැමිණම ඉතා පහසුවෙන් සහ ආරක්ෂිතව ගිණුම් විවෘත කිරීමේ අවස්ථාව ලබා දී තිබේ.
මෙම නවීකරණය කරන ලද වේදිකාවේ සුවිශේෂී කරුණු කිහිපයක් පහත දැක්වේ.
ශ්රී ලංකාවේ සිටින මෙන්ම විදේශගතව සිටින ශ්රී ලාංකිකයන්ට සිය වෙබ් අඩවිය හෝ ජංගම දුරකථන යෙදුම හරහා ක්ෂණිකව ඉතිරිකිරීමේ ගිණුම් විවෘත කළ හැක.
සජීවී වීඩියෝ මගින් අනන්යතාව තහවුරු කිරීම සහ ස්වයංක්රීය නියාමන පරීක්ෂණ ක්රියාවලිය හරහා ගිණුම් විවෘත කිරීමේදී පූර්ණ ආරක්ෂාවක් සහ විශ්වාසනීයත්වයක් ලබා දෙයි.
කඩදාසි භාවිතය අවම කරමින් පරිසර හිතකාමී බැංකුකරණයක් ප්රවර්ධනය කිරීමට මෙමගින් දායක වේ. ඕනෑම ස්ථානයක සිට ඕනෑම වේලාවක ගිණුම් විවෘත කිරීමට හැකිවීම ගනුදෙනුකරුවන්ට විශාල පහසුවකි.
කොමර්ෂල් බැංකුවේ ප්රධාන මෙහෙයුම් නිලධාරී හස්රත් මුණසිංහ මහතා සඳහන් කරන්නේ, ගනුදෙනුකරුවන්ට වඩාත් කාර්යක්ෂම, ඉක්මන් සහ නම්යශීලී බැංකුකරණ අත්දැකීමක් ලබා දීම මෙම මුලපිරීමේ ප්රධාන අරමුණ බවයි.
ඩිජිටල් නවෝත්පාදනයන් අඛණ්ඩව සිදු කරමින් සිය ගනුදෙනුකරුවන්ට අනාගතයට ගැලපෙන බැංකු අත්දැකීමක් ලබාදීමට බැංකුව කැපවී සිටී.
