රජය විසින් පනවා ඇති ඉන්ධන නිකුත් කිරීමේ නියමිත උපදෙස් සහ ක්රමවේදයන් උල්ලංඝනය කරමින් කටයුතු කරන ඉන්ධනහල් හිමියන්ට එරෙහිව දැඩි නීතිමය ක්රියාමාර්ග ගැනීමට බලධාරීන් තීරණය කර තිබේ. රජයේ ප්රවෘත්ති දෙපාර්තමේන්තුව අද (18) පස්වරුවේ විශේෂ නිවේදනයක් නිකුත් කරමින් සඳහන් කළේ, අක්රමවත් ලෙස ඉන්ධන නිකුත් කරන ස්ථාන පිළිබඳ තොරතුරු ලබාදීම සඳහා ලංකා ඛනිජ තෙල් නීතිගත සංස්ථාව (CPC) විසින් පැය 24 පුරා ක්රියාත්මක විශේෂ දුරකථන අංක දෙකක් ස්ථාපිත කර ඇති බවයි.
ඒ අනුව, යම් පිරවුම්හලක ඉන්ධන නිකුත් කිරීමේදී සිදුවන දූෂණ හෝ අක්රමිකතා පිළිබඳව 011 2106767 හෝ 011 7296130 යන දුරකථන අංක වෙත වහාම දැනුම් දෙන ලෙස මහජනතාවගෙන් කාරුණිකව ඉල්ලා සිටී. පවතින බලශක්ති අර්බුදය හමුවේ ඉන්ධන කළු කඩයට යාම වැළැක්වීම සහ පාරිභෝගිකයාට සාධාරණව ඉන්ධන ලබා දීම සහතික කිරීම මෙම පියවරේ ප්රධාන අරමුණ වේ.
