කොටගල වතු සමාගමට අයත් ග්රේග්ලි (Craiglea) වතුයායේ වතු අධිකාරීවරයාගේ අත්තනෝමතික ක්රියාකලාපයට එරෙහිව වතුකම්කරුවන් ආරම්භ කළ වැඩ වර්ජනය සහ ග්රේග්ලි තේ කර්මාන්තශාලාව ඉදිරිපිට පැවැත්වෙන විරෝධතාව දෙවන දිනටත් ඉතා සක්රියව ක්රියාත්මක වේ
වතුයායේ තිබූ ගස් කපා විකිණීමෙන් ලැබෙන ලාභයෙන් කොටසක් ලබා දෙන බවට වූ පොරොන්දුව ඉටු නොකිරීම, එම ගස් ප්රවාහනය නිසා අබලන් වූ ප්රධාන මාර්ගය ප්රතිසංස්කරණය නොකිරීම සහ කම්කරුවන්ගේ කිසිදු ගැටලුවකට විසඳුම් ලබා නොදී වතු අධිකාරීවරයා රහසිගතව ස්ථාන මාරුවක් ලබා පිටව යාමට උත්සාහ කිරීම මෙම විරෝධතාවලට මූලික හේතු වී තිබේ. හැටන් කම්කරු කාර්යාලය වෙත පැමිණ සාකච්ඡා කරන ලෙස පාලනාධිකාරිය කළ දැනුම්දීම වතුකම්කරුවන් විසින් ප්රතික්ෂේප කර ඇත.
අද දින දිඹුලපතන පොලිස් ස්ථානාධිපතිවරයා පැමිණ තත්ත්වය නිරාකරණය කිරීමට උත්සාහ කළද, තමන් ඉදිරිපත් කරන පැමිණිලි භාර ගැනීමට පොලිසිය කටයුතු නොකරන බවට චෝදනා කරමින් වතුකම්කරුවෝ සිය විරෝධතාව අඛණ්ඩව ඉදිරියට ගෙන යති.
