ලෝක කුසලාන පාපන්දු තරගාවලියේ උස්බෙකිස්තානයට එරෙහිව පැවැත්වෙන තරගයේදී, ආරම්භ වී 6 වැනි මිනිත්තුවේදීම අතිවිශිෂ්ට ගෝලයක් වාර්තා කිරීමට පෘතුගාලයේ 41 හැවිරිදි සුපිරි පාපන්දු තරුව වන ක්රිස්ටියානෝ රොනාල්ඩෝ (Cristiano Ronaldo) මීට නොබෝ වේලාවකට පෙර සමත් විය. මෙම ඓතිහාසික ගෝලයත් සමඟින් ලෝක පාපන්දු ඉතිහාසයේ එකිනෙකට වෙනස් ලෝක කුසලාන තරගාවලි හයකදී (6) ගෝල රැස්කළ ප්රථම සහ එකම ක්රීඩකයා බවට පත්වෙමින් රොනාල්ඩෝ අතිදැවැන්ත ලෝක වාර්තාවක් තමන් සතු කරගෙන තිබේ.
තරගය ආරම්භයේ සිටම දැඩි ආක්රමණශීලී ක්රීඩා විලාශයක් පෙන්නුම් කළ පෘතුගාලය වෙනුවෙන් ක්රියාත්මක වූ රොනාල්ඩෝ, ප්රතිවාදී ආරක්ෂක වළල්ල මුළුමනින්ම බිඳදමමින් මෙම තීරණාත්මක ගෝලය වාර්තා කළ අතර ඒ සමඟින් පෘතුගාලය තරගයේ මුල් භාගයේදීම 1-0ක් ලෙස පෙරමුණ ගැනීමට සමත් විය. ඒ අනුව 2006, 2010, 2014, 2018, 2022 සහ වත්මන් 2026 යන ලෝක කුසලාන තරගාවලි 6 දීම අවම වශයෙන් එක් ගෝලය බැගින් හෝ රැස්කරමින්, මෙතෙක් ලොව කිසිදු පාපන්දු ක්රීඩකයෙකු නොතැබූ අතිවිශිෂ්ට කඩඉමක් පසුකිරීමට රොනාල්ඩෝ සමත්ව ඇත.
