මූලික මහජන කොටස් නිකුතුවකින් (IPO) ලබාගන්නා කොටස්, ද්විතීයික වෙළෙඳපොළේ ගනුදෙනු වන පළමු දිනයේදී විකිණිය හැකි උපරිම මිල 200%ක් දක්වා සීමා කිරීමට කොළඹ කොටස් වෙළෙඳපොළ පියවර ගෙන ඇත. මීට පෙර වෙල්ත්ට්රස්ට් සිකියුරිටීස් සමාගමේ කොටස් ගනුදෙනුවලදී රු. 7 කොටසක් රු. 25,000කට අලෙවි වී වෙළෙඳපොළ දත්ත විකෘති වීම නිසා මෙම තීරණය ගෙන තිබේ.
අද (29) දින ගනුදෙනු ආරම්භ වූ ජනශක්ති ලිමිටඩ් හි රු. 10 බැගින් නිකුත් කළ කොටසක් රු. 100,000 ක මිලකට විකිණීමට අයෙකු දැමූ ඇණවුමක් කොටස් වෙළෙඳපොළ බලධාරීන් විසින් වහාම අවලංගු කර ඇත. නව නීතියට අනුව IPO මිල මෙන් දෙගුණයකට වඩා වැඩි මිලකට පළමු දිනයේදී ඇණවුම් ඉදිරිපත් කළ නොහැකි අතර, මෙය වෙළෙඳපොළේ විනිවිදභාවය රැකගැනීම සඳහා ගත් පියවරකි.
