සෞඛ්ය හා ජනමාධ්ය අමාත්යාංශය විසින් දියත් කරන ලද තෙදින ඩෙංගු මර්දන වැඩසටහනේ දෙවන දිනයේදී අනාවරණය වූ දත්ත අනුව, මෙරට පාසල් සහ රජයේ ආයතන බරපතළ ඩෙංගු අවදානමකට ලක්ව ඇති බව තහවුරු වී තිබේ. මෙම මෙහෙයුම යටතේ දිවයින පුරා පරීක්ෂාවට ලක් කළ සමස්ත පරිශ්ර 31,155ක් අතුරින් ඩෙංගු මදුරු කීටයන් සහිත පරිශ්ර 1,864ක් හඳුනාගෙන ඇත.
පරීක්ෂාවට ලක් කළ පාසල්වලින් 44.7%ක සහ රජයේ ආයතනවලින් 40.4%ක මදුරුවන් බෝවන ස්ථාන පවතින බව හෙළි වී ඇත. මීට අමතරව කර්මාන්තශාලා, ඉදිකිරීම් බිම් සහ ආගමික ස්ථාන ද පරීක්ෂාවට ලක් කළ අතර, ඉන් අඩකට වඩා වැඩි ප්රමාණයක මදුරුවන් බෝවිය හැකි පරිසරයක් පවතින බව නිරීක්ෂණය විය.
මෙම තත්ත්වය දරුවන්ගේ සහ රාජ්ය සේවයේ නිරත පුද්ගලයින්ගේ සෞඛ්යයට විශාල තර්ජනයක් වී තිබේ. විශේෂයෙන් පාසල් සහ කාර්යාල පරිශ්රවල ජලය රැඳී තිබිය හැකි බඳුන්, අවහිර වූ කාණු පද්ධති සහ අත්හැර දැමූ ද්රව්ය මගින් මෙම මදුරුවන් සීඝ්රයෙන් බෝවීම සිදුවේ. ඩෙංගු ව්යාප්තිය පාලනය කිරීම සඳහා රාජ්ය ආයතන ප්රධානීන් සහ විදුහල්පතිවරුන් වහාම මැදිහත්වී තම පරිශ්රයන් තුළ පවතින මදුරු බෝවන ස්ථාන විනාශ කිරීමට පියවර ගත යුතු බව සෞඛ්ය අංශ අවධාරණය කරයි. ජනතාවගේ ද සහයෝගය ඇතිව මෙම අවදානම් තත්ත්වය පාලනය කිරීමට කඩිනම් පියවර ගැනීම අත්යවශ්ය වේ.
