ශ්රී ලංකාවේ විදුලි සංදේශ ක්ෂේත්රයේ නව පෙරළියක් සනිටුහන් කරමින්, ඩයලොග් ආසිආටා පීඑල්සී (Dialog Axiata PLC) විසින් ශ්රී ලංකාවේ ප්රථම වරට 5G තාක්ෂණයෙන් බලගැන්වුණු ‘Dialog Air Fibre’ අන්තර්ජාල විසඳුම දියත් කර තිබේ. මෙය කේබල් රහිත, අතිශය වේගවත් Wi-Fi අත්දැකීමක් පාරිභෝගිකයින් වෙත පිරිනමන අතර, ඕනෑම ස්ථානයක පහසුවෙන් භාවිත කළ හැකි කුඩා ගෘහස්ථ උපාංගයක් (IDU) හරහා මෙය සම්බන්ධ කරගත හැකිය.
Dialog Air Fibre හි සුවිශේෂී ලක්ෂණ:
අධිවේගී 5G තාක්ෂණය: සාමාන්ය 4G අත්දැකීම අභිබවා යමින්, අතිශය වේගවත් සහ කාර්යක්ෂම අන්තර්ජාල වේගයක් පිරිනමයි.
අඛණ්ඩ සන්නිවේදනය: විදුලි බිඳවැටීමකදී පවා අඛණ්ඩව ක්රියාත්මක විය හැකි අභ්යන්තර බැටරියක් සහිතව එන මෙය, පැය 6ක් දක්වා බලය සපයයි.
බහු උපාංග භාවිතය: එකවර උපාංග රැසක් සම්බන්ධ කළද බාධාවකින් තොරව වීඩියෝ නැරඹීම, වීඩියෝ සම්මන්ත්රණ සහ ඔන්ලයින් වීඩියෝ ක්රීඩා සඳහා ඉතා සුදුසු වේ.
සම්පූර්ණ විනෝදාස්වාදය: Dialog Play හරහා රූපවාහිනී නාලිකා 104ක් සහ නොමිලේ මෙන්ම දායකත්ව ගාස්තු සහිත වැඩසටහන් රැසක් එකම වහලක් යටින් නැරඹීමේ හැකියාව පවතී.
ඩයලොග් ආසිආටා පීඑල්සී හි සමූහ ප්රධාන මෙහෙයුම් නිලධාරිනී ලිම් ලී සාන් මෙනෙවිය සඳහන් කළේ, නවෝත්පාදනය සහ ප්රායෝගිකත්වය එක්කරමින් ශ්රී ලාංකිකයින්ගේ නිවාස සහ ව්යාපාර සඳහා අනාගත තාක්ෂණය සමීප කිරීමට මෙම විසඳුම ඉවහල් වන බවයි. මෙම හඳුන්වාදීම නිමිත්තෙන්, Dialog Air Fibre පූර්ව ඇණවුම් කරන පාරිභෝගිකයින්ට ආරම්භක ගාස්තුවෙන් රුපියල් 2500ක සුවිශේෂී වට්ටමක් හිමිවේ. උනන්දුවක් දක්වන පාරිභෝගිකයින්ට dialog.lk
වෙබ් අඩවිය හරහා හෝ දිවයින පුරා පිහිටි ඕනෑම Dialog Experience Centre පරිශ්රයක් වෙත පැමිණ පූර්ව ඇණවුම් සිදු කළ හැක.
