ඩීසල් බැරලයක් ඇමෙරිකානු ඩොලර් 286ක් වැනි අතිවිශාල මුදලකට මිලදී ගැනීමට රජය පියවර ගැනීම හේතුවෙන්, ඉදිරි කාලයේදී ඩීසල් ලීටරයක මිල රුපියල් 700 ඉක්මවා යනු ඇති බව එක්සත් ජනරජ පෙරමුණේ නායක, හිටපු අමාත්ය පාඨලී චම්පික රණවක මහතා පවසයි. කොළඹදී මාධ්ය අමතමින් ඒ මහතා පෙන්වා දුන්නේ මෙම අධික මිලට ඉන්ධන ආනයනය කිරීම ජනතාවට දැඩි බරක් වනු ඇති බවයි.
ඉහළ මිලකට ලබාගන්නා ඉන්ධන සඳහා පනවා ඇති 18% ක අගය එකතු කළ බද්ද (VAT) සහ ලීටරයකට රුපියල් 50ක් ලෙස එකතු වන අතිරේක වියදම් මීට ප්රධාන වශයෙන් බලපායි. එසේම, ගනුදෙනුවට සම්බන්ධ තෙවන පාර්ශවයන්ට ගෙවීමට සිදුවන 3% ක කොමිස් මුදල ද මෙම මිලට ඇතුළත් වේ.
මෙම සියලුම පිරිවැය සහ බදු ප්රමාණයන් එකතු වූ විට පාරිභෝගිකයාට ලැබෙන ඉන්ධන ලීටරයක මිල රුපියල් හත්සියය ඉක්මවා යාම වැළැක්විය නොහැකි බව හිටපු අමාත්යවරයා වැඩිදුරටත් අවධාරණය කළේය.
