2026 අප්රේල් මාසයේ මුල් දින 19 තුළ පමණක් ශ්රී ලංකාවට සංචාරකයින් 88,211ක් පැමිණ ඇති බව ශ්රී ලංකා සංචාරක සංවර්ධන අධිකාරිය (SLTDA) නිවේදනය කරයි. නිකුත් කර ඇති නවතම දත්ත අනුව, මෙම පිරිසෙන් වැඩිම සංඛ්යාවක් වාර්තා වන්නේ ඉන්දියාවෙන් වන අතර එම ප්රමාණය 25,634කි. එය සමස්ත පැමිණීම්වලින් 29%ක ප්රතිශතයකි. අප්රේල් මාසයේදී ඉන්දියාවට අමතරව එක්සත් රාජධානියෙන් සංචාරකයින් 7,672ක් ද, ඔස්ට්රේලියාවෙන් 7,351ක් ද, චීනයෙන් 6,333ක් ද, රුසියාවෙන් 4,682ක් සහ ජර්මනියෙන් 4,030ක් ද මෙරටට පැමිණ තිබේ.
2026 වසරේ ජනවාරි 01 සිට අප්රේල් 19 දක්වා වූ කාලය තුළ ශ්රී ලංකාවට පැමිණ ඇති සමස්ත සංචාරකයින් සංඛ්යාව 828,845ක් දක්වා ඉහළ ගොස් තිබේ. එම කාල සීමාව තුළ ද ඉන්දියාව (172,907), එක්සත් රාජධානිය (86,092) සහ රුසියාව (70,600) සංචාරක වෙළෙඳපොළේ ප්රධානතම රටවල් ලෙස පසුවන බව සංචාරක සංවර්ධන අධිකාරිය වැඩිදුරටත් සඳහන් කරයි.
