ලොව පුරා පවතින ගැටුම් සඳහා ලබාදෙන ජීවිතාරක්ෂක ආධාර දායක රටවල් විසින් කපා හැරීම හේතුවෙන්, ලබන වසර අවසානය වන විට තවත් පුද්ගලයන් මිලියන 4ක් අලුතින් අවතැන් වීමේ දැඩි අවදානමක් පවතින බව ඩෙන්මාර්ක සරණාගත කවුන්සිලය (DRC) බ්රහස්පතින්දා ප්රකාශ කළේය. ජාත්යන්තර රතු කුරුස කමිටුවට අනුව මේ වන විට ලොව පුරා සිදුවන ගැටුම් සංඛ්යාව 130 දක්වා දෙගුණයකින් ඉහළ ගොස් ඇති අතර, දැනටමත් මිලියන 117ක ජනතාවක් බලහත්කාරයෙන් උන්හිටිතැන් අහිමි කරනු ලැබ සිටිති.
ඩෙන්මාර්ක සරණාගත කවුන්සිලයේ මහලේකම් චාලට් ස්ලෙන්ටේ පෙන්වා දෙන්නේ යුද්ධයෙන් බේරී සියල්ල අතහැර පලා යන පවුල් සඳහා පැවති ජාත්යන්තර ආරක්ෂිත දැල මේ වන විට සිදුරු වී ඇති බවයි. විශේෂයෙන්ම සිව්වන වසරටත් යුද්ධය ඇදී යන සුඩානය තුළ තවත් පුද්ගලයන් 670,000ක් අලුතින් අවතැන් වනු ඇතැයි අපේක්ෂා කෙරේ. මීට අමතරව අසල්වැසි චැඩ් රාජ්යයේ සිටින සරණාගතයන්ට ලබාදෙන අත්යවශ්ය ආහාර සහ ජල සැපයුම් පවා අරමුදල් හිඟකම නිසා නතර කිරීමට සිදුවනු ඇතැයි එක්සත් ජාතීන්ගේ සංවිධානය අනතුරු අඟවා තිබේ.
