ශ්රී ලංකා ක්රිකට් අතුරු පාලක කමිටුවේ සභාපති ධුරය භාරගැනීමත් සමඟ, සමගි ජන බලවේගයේ හිටපු පාර්ලිමේන්තු මන්ත්රී ඉරාන් වික්රමරත්න මහතා එම පක්ෂයේ දරන සියලු තනතුරුවලින් ඉල්ලා අස්වීමට තීරණය කර තිබේ. ඒ අනුව පක්ෂ කෘත්යාධිකාරී මණ්ඩල සාමාජිකත්වයෙන් සහ කළමනාකරණ කමිටු සාමාජිකත්වයෙන් තමන් ඉවත්වන බව ඔහු පක්ෂ නායකත්වයට දන්වා ඇති බව වාර්තා වේ.
මේ අතර, පක්ෂයේ පූර්ව අනුමැතියකින් තොරව රජයේ තනතුරක් භාරගැනීම හේතුවෙන් ඉරාන් වික්රමරත්න මහතා පක්ෂ සාමාජිකත්වයෙන් ද ඉවත් කිරීමට සමගි ජන බලවේගය තීරණය කර ඇති බව දේශපාලන ආරංචි මාර්ග සඳහන් කරයි. ස්වාධීන මණ්ඩලයක සේවය කිරීම සඳහා දේශපාලන පක්ෂයකින් ඉවත්වීම සාමාන්ය සම්ප්රදායක් වුවද, මෙම හදිසි ඉවත්වීම දේශපාලන ක්ෂේත්රය තුළ දැඩි අවධානයට ලක්ව තිබේ.
