මලල ක්රීඩා තරග විකාශය කිරීමේදී කැමරා කෝණ සහ නැවත විකාශන ක්රමවේද හරහා ක්රීඩිකාවන්ගේ
රූපකාය ලිංගිකත්වයට නැඹුරු වන අයුරින් ප්රදර්ශනය කිරීම වැළැක්වීමේ අරමුණින් යුරෝපීය මලල ක්රීඩා සංගමය (European Athletics) සහ යුරෝපීය විකාශන සංගමය (EBU) එක්ව නව විකාශන මාර්ගෝපදේශ හඳුන්වා දී ඇත.
“Raising the Bar” යන තේමාව යටතේ හඳුන්වා දුන් මෙම නව වැඩපිළිවෙළ ක්රියාත්මක වන්නේ, ඇතැම් කැමරා කෝණ හේතුවෙන් තමන් අපහසුතාවයට පත්වන බවටත්, එය තම ක්රීඩා කාර්ය සාධනයට බාධාවක් බවටත් ක්රීඩිකාවන් පිරිසක් කළ පැමිණිලි සැලකිල්ලට ගනිමිනි.
මෙම නව මාර්ගෝපදේශ සම්බන්ධයෙන් අදහස් දක්වමින් යුරෝපීය මලල ක්රීඩා සංගමයේ සභාපති ඩොබ්රොමීර් කරමරිනොව් මහතා සඳහන් කළේ, කාන්තා මලල ක්රීඩා ප්රේක්ෂකයන් වෙත ඉදිරිපත් කරන ආකාරය වැඩිදියුණු කිරීම සඳහා මෙය ඉතා වැදගත් පියවරක් බවයි. ක්රීඩාව තුළ කාන්තාවන් පිළිබඳ පවතින අහිතකර ප්රතිරූපයන් ඉවත් කරමින්, උසස් මට්ටමේ ගුණාත්මක විකාශනයක් පවත්වාගෙන යාම මෙමගින් අපේක්ෂා කරන බව ඔහු වැඩිදුරටත් අවධාරණය කළේය.
