ගොවියා රජෙක් යනුවෙන් හැඳින්වීම අතීතයේ පටන් පවසා ඇති අසත්ය ප්රකාශයක් බවත්, ගොවීන් තමන් පමණක් රජවරුන් ලෙස සිතා කටයුතු කිරීම නොකළ යුතු බවත් කෘෂිකර්ම, පශු සම්පත්, ඉඩම් සහ වාරිමාර්ග අමාත්ය කේ.ඩී. ලාල්කාන්ත මහතා පවසයි. නියෝජ්ය අමාත්ය නාමල් කරුණාරත්න මහතාගේ ද සහභාගීත්වයෙන් පැවති උත්සවයක් අමතමින් අමාත්යවරයා මේ බව කියා සිටියේය.
රටේ පොදු ජනතාවගේ බදු මුදල් විශාල වශයෙන් කෘෂිකර්ම ක්ෂේත්රය වෙනුවෙන් වැය කරන බව පෙන්වා දුන් අමාත්යවරයා, වාරිමාර්ග, පාරවල්, බෝක්කු, පාලම් සහ පොහොර සහනාධාරය වෙනුවෙන් රටේ මිනිස්සු විශාල කැපකිරීමක් කරන බැවින් ගොවියන් තනියෙන් රජවරුන් කියා නොසිතිය යුතු බව අවධාරණය කළේය. එමෙන්ම ගොවීන් නිරන්තරයෙන් වී මිල පිළිබඳව පමණක් අවධානය යොමු නොකර, සහල් මිලදී ගන්නා පාරිභෝගිකයා පිළිබඳව ද සිතිය යුතු බවත්, වී මිල ඉහළ යන විට සහල් මිල ද ඉහළ යන බැවින් සමස්ත ජනතාව කෙරෙහි වගකීමෙන් කටයුතු කළ යුතු බවත් ඔහු පැවසීය.
වී කිලෝවක් සඳහා රුපියල් 150ක සහතික මිලක් ඉල්ලන අයම ගොවියාගෙන් වී ටික රුපියල් 90ට 95ට ගැනීමට බලන බව පැවසූ ලාල්කාන්ත මහතා, රට වටේම මුහුද තිබියදී සැමන් පිටරටින් ගෙනා යුගය දැන් අවසන් වී ඇති බව ද සඳහන් කළේය. මෙහිදී මාධ්ය කලාව ද විවේචනයට ලක් කළ අමාත්යවරයා, 99%ක් හොඳ වැඩ සිදුවන විට 1%ක අඩුපාඩුවක් සොයාගෙන එය ප්රවෘත්ති බවට පත්කිරීමට මාධ්ය කටයුතු කරන බව ද වැඩිදුරටත් කියා සිටියේය.
