විදේශයන්හි සිටින සමස්ත ශ්රී ලාංකිකයන්ගේ ආරක්ෂාව සහතික කිරීම වෙනුවෙන් ශ්රී ලංකා රජය මුළුමනින්ම කැපවී කටයුතු කරන බව විදේශ අමාත්යාංශය අවධාරණය කරයි. ‘ග්ලෝබල් සුමුඩ් ෆ්ලෝටිලා’ (Global Samoud Flotilla) සංවිධානයේ රැඳවියන්ට අමානුෂික ලෙස සලකන ආකාරය නිරූපණය කරමින් ඊශ්රායල අමාත්ය ඉටමාර් බෙන්-ගවීර් (Itamar Ben-Gvir) විසින් සමාජ මාධ්ය වෙත මුදාහරින ලද වීඩියෝපට සම්බන්ධයෙන් ශ්රී ලංකා රජය සිය දැඩි කනස්සල්ල සහ සංවේගය පළකරන බව විදේශ අමාත්යාංශය නිල වශයෙන් ප්රකාශ කර සිටී.
මෙම අවාසනාවන්ත සිදුවීම හේතුවෙන් දැඩි බලපෑමට ලක්ව ඇති ශ්රී ලාංකික තරුණියගේ ආරක්ෂාව, යහපැවැත්ම මෙන්ම ගෞරවය උපරිමයෙන් සහතික කළ යුතු බව ශ්රී ලංකාව අවධාරණය කරයි. අදාළ ශ්රී ලාංකික තරුණිය කඩිනමින් සහ ආරක්ෂිතව නැවත ශ්රී ලංකාව වෙත ගෙන්වා ගැනීම සඳහා විදේශ අමාත්යාංශය දැනටමත් රාජ්ය තාන්ත්රික මාර්ග ඔස්සේ ඊශ්රායල විදේශ අමාත්යාංශය සමඟ සෘජුව සම්බන්ධ වෙමින් අවශ්ය සම්බන්ධීකරණ කටයුතු අඛණ්ඩව සිදුකරමින් පවතින බව ද එම නිවේදනයේ වැඩිදුරටත් සඳහන් වේ.
