ඉන්දියානු රජයේ මූල්ය ආධාර සහ ශ්රී ලංකා රජයේ අනුග්රහය යටතේ ක්රියාත්මක වන ඉන්දියානු නිවාස ව්යාපෘතියේ සිව්වන අදියරේ වැඩසටහනක් ලෙස, බදුල්ල දිස්ත්රික්කයේ පස්සර ප්රාදේශීය ලේකම් කොට්ඨාසයේ කනවරැල්ල ප්රදේශයේ නිවාස 57ක් ඉදිකිරීම සඳහා මුල්ගල් තැබීම ඊයේ (05) සිදු කෙරිණි.
නායයෑමේ අවදානමට ලක්වූ ප්රදේශයක 2014 වසරේ සිට ජීවත් වූ පවුල් 57කට නව නිවාස ලබාදීම මෙම ව්යාපෘතියේ මූලික අරමුණ වේ. මෙම නිවාස ව්යාපෘතිය වැවිලි හා ප්රජා යටිතල පහසුකම් අමාත්ය සමන්ත විද්යාරත්න මහතාගේ ප්රධානත්වයෙන් සහ ශ්රී ලංකාවේ ඉන්දියානු මහකොමසාරිස් කාර්යාලයේ කොන්සල් ජෙනරාල් හර්වින්ද්රර් සිං මහතාගේ සහභාගීත්වයෙන් ආරම්භ විය.
මෙම ව්යාපෘතියේ මූල්ය දායකත්වය පිළිබඳ විස්තර පහත දැක්වේ:
එක් නිවාස ඒකකයක් සඳහා ඉන්දියානු රජය විසින් රුපියල් ලක්ෂ 28ක මූල්ය ප්රතිපාදන ලබාදෙන අතර, යටිතල පහසුකම් සංවර්ධනය වෙනුවෙන් ශ්රී ලංකා රජය එක් නිවසක් සඳහා රුපියල් ලක්ෂ 4ක මුදලක් වෙන් කර ඇත.
මෙම අවස්ථාවේදී අදහස් දක්වමින් අමාත්ය සමන්ත විද්යාරත්න මහතා ප්රකාශ කළේ, රජයේ “පොහොසත් රටක් – ලස්සන ජීවිතයක්” යන ප්රතිපත්ති ප්රකාශය යථාර්ථයක් බවට පත් කරමින්, වැවිලි ප්රජාව ඇතුළු සියලු පුරවැසියන්ට සුරක්ෂිත සහ ගෞරවනීය ජීවන තත්ත්වයක් ලබාදීම රජයේ වගකීමක් බවයි. ඉන්දියානු රජය සමඟ පවතින දිගුකාලීන මිත්රත්වයේ ප්රතිඵලයක් ලෙස මෙම පවුල්වල සුරක්ෂිත නිවසක සිහිනය සැබෑ කර දීමට හැකිවීම පිළිබඳව ඔහු සතුට පළ කළේය.
මෙම උත්සවය සඳහා බදුල්ල දිස්ත්රික් පාර්ලිමේන්තු මන්ත්රී කිට්නන් සෙල්වරාජ් මහතා ඇතුළු රාජ්ය නිලධාරීන් සහ විශාල පිරිසක් එක්ව සිටියහ.
