පූජකවරය යනු ලෝකයේ වෙනත් වෘත්තීන්ට වඩා උතුම්ම සේවාවක් බවත්, ත්රිවැදෑරු පෙරොන්දු අතර කීකරුකම මුල් කරගනිමින් කටයුතු කිරීම පූජකවරයේ ප්රධාන ලක්ෂණයක් බවත් කොළඹ අගරදගුරු අතිඋතුම් මැල්කම් කාදිනල් හිමිපාණන් ප්රකාශ කර ඇත. “මාගේ කැමැත්ත නොව ඔබවහන්සේගේ කැමැත්ත වේවා” යන්න ජීවිතයට මුල් බැස ගෙන ක්රියා කළ යුතු බව අවධාරଣ කළ උන්වහන්සේ, ලැබෙන පූජක පත්වීම සතුටින් භාර ගෙන අගරදගුරුතුමන්ට කීකරු පූජකයකු වන ලෙස නවක පූජකයින්ගෙන් ඉල්ලා සිටියහ.
කොළඹ අගරදගුරු පදවියේ පූජකවරම් ප්රදානය 2026 ජූලි මස 25 වන සෙනසුරාදා කොටහේන ශාන්ත ලුසියා ආසන දෙව්මැඳුරේදී අතිඋතුම් මැල්කම් කාදිනල් හිමිපාණන්ගේ ප්රධානත්වයෙන්, සහයක රදගුරු හිමිපාණන්ගේ සහ කොළඹ අගරදගුරු පදවියේ පූජාප්රසාදීන් වහන්සේලාගේ සහභාගිත්වයෙන් පැවැත්විණි.
මෙම අවස්ථාවේදී නවක පූජා ප්රසාදීන් වහන්සේලා සතර දෙනෙකුට පූජක වරම් ලබා දෙන ලදී:
* ලාසාල් ප්රියන්කර සහෝදරතුමන් (මීගමුව කට්ටුව මීසම)
* සලාන්ක මධුෂාන් සහෝදරතුමා (දළුගම මීසම)
* අසිත ලක්මාල් සහෝදරතුමා (වෑවල මීසම)
* ශේෂාන් දිල්රුක් සහෝදරතුමන් (කිරිමැටියාගාර මීසම)
