ගාල්ල, දංගෙදර ප්රදේශයේ ඩික්සන් හන්දිය අද උදෑසන වෙඩි හඬින් කැළඹී ගියේය. අද උදෑසන 7.30ට පමණ මෝටර් රථයකින් පැමිණි සන්නද්ධ තුවක්කුකරුවෙකු විසින් මාර්ගයේ සිටි පුද්ගලයෙකු ඉලක්ක කර මෙම වෙඩි තැබීම සිදුකර තිබේ. වෙඩි ප්රහාරයට ලක්වූ පුද්ගලයා එම ස්ථානයේදීම බරපතළ තුවාල ලබා ඇති අතර, වහා ක්රියාත්මක වූ ප්රදේශවාසීන් සහ පොලීසිය මැදිහත් වී ඔහුව ගාල්ල කරාපිටිය ශික්ෂණ රෝහල වෙත ඇතුළත් කිරීමට පියවර ගෙන ඇත.
ප්රහාරය එල්ල කළ සැකකරු අපරාධය සිදු කිරීමෙන් පසු ඔහු පැමිණි මෝටර් රථයෙන්ම ප්රදේශයෙන් පලාගොස් ඇති බව වාර්තා වේ. මෙම වෙඩි තැබීමට හේතුව මෙතෙක් අනාවරණය වී නොමැති අතර, පලාගිය සැකකරුවන් අත්අඩංගුවට ගැනීම සඳහා ගාල්ල පොලීසිය විශේෂ විමර්ශනයක් ආරම්භ කර තිබේ. සිද්ධියත් සමඟ ප්රදේශයේ ආරක්ෂාව තර කර ඇති අතර මහජනයාගෙන් ප්රකාශ සටහන් කරගැනීම ද මේ වන විට සිදුවෙමින් පවතී.
