ගාසා තීරයේ ගාසා සිටි (Gaza City) සහ ඩෙයිර් අල්-බලා (Deir Al-Balah) ප්රදේශයන්හි සිදුවූ ඊශ්රායල හමුදා වෙඩි තැබීම් සහ ගුවන් ප්රහාරවලින් කුඩා ළමයින් තිදෙනෙකු ඇතුළුව අවම වශයෙන් පුද්ගලයින් සිව්දෙනෙකු ජීවිතක්ෂයට පත්ව ඇති බව පලස්තීන සෞඛ්ය බලධාරීහු ප්රකාශ කරති.
ගාසා සිටි හි අවතැන් වූ පවුල් රැඳී සිටි කටීබා (Katiba) ප්රදේශයට ඊශ්රායල ප්රහාරක යානා මගින් මිසයිල 12කට ආසන්න සංඛ්යාවක් එල්ල කර ඇති අතර, එයින් කාන්තාවක සහ කුඩා ළමයින් දෙදෙනෙකු මියගොස් තවත් පිරිසක් තුවාල ලබා තිබේ. හමාස් පාලනය යටතේ පවතින රාජ්ය මාධ්ය බලධාරීන්ට අනුව, ගාසා සිටි තුළ රහසිගත මෙහෙයුමක නිරත වූ ඊශ්රායල විශේෂ හමුදා බලකායක් නිරාවරණය වීමත් සමඟ ඔවුන් මුදාගැනීම සඳහා මෙම දැවැන්ත ගුවන් ප්රහාර එල්ල කර ඇත. 2025 ඔක්තෝබර් මාසයේ සිට ඇමෙරිකානු මැදිහත්වීමෙන් සෙබළුන් ඉවත් කරගැනීමේ සූදානමක් සහ සන්ධානයක් පැවතිය ද, ඊශ්රායල හමුදා අඛණ්ඩව සෙබළ ආරක්ෂාව උදෙසා යැයි පවසමින් ප්රහාර එල්ල කරන බවට හමාස් සංවිධානය චෝදනා කරයි.
තොරතුරු උපුටා ගැනීම: Reuters ඇසුරින්
